AKP ភ្នំពេញ ថ្ងៃទី៣០ ខែមេសា ឆ្នាំ២០២៥ -- អគ្គនាយកដ្ឋានសន្តិសុខជាតិបាននិយាយកាលពីថ្ងៃអង្គារថា កងកម្លាំងសន្តិសុខទុយនីស៊ីបានរុះរើបណ្តាញជួញដូរគ្រឿងញៀនដែលសកម្មនៅក្នុងតំបន់ឆ្នេរភាគខាងកើតនៃខេត្តម៉ូណាស្ទឺ ដោយបានចាប់ខ្លួនមនុស្សចំនួន ៦នាក់។

ជនសង្ស័យត្រូវបានចាប់ខ្លួននៅតំបន់ Ksar Hellal ពីបទជាប់ពាក់ព័ន្ធការជួញដូរ និងប្រើប្រាស់គ្រឿងញៀន។ នេះបើយោងតាមការបង្ហោះលើហ្វេសប៊ុក។ ក្នុងប្រតិបត្តិការនេះ រកឃើញថ្នាំញៀនប្រភេទកូកាអ៊ីនចំនួន១១កញ្ចប់ និងថ្នាំគ្រាប់មួយចំនួនទៀតនៅក្នុងឃ្លាំងមួយ។

សេចក្តី​ថ្លែងការណ៍​មិន​បាន​បញ្ជាក់​ពី​ពេល​វេលា​ជាក់​លាក់​នៃ​ប្រតិបត្តិការ ឬ​បង្ហាញ​ពី​អត្តសញ្ញាណ​ជនសង្ស័យ​ឡើយ។

រដ្ឋាភិបាលទុយនីស៊ីបានចាត់វិធានការយ៉ាងម៉ឺងម៉ាត់ប្រឆាំងនឹងការជួញដូរគ្រឿងញៀន ដោយចាប់ខ្លួនជនសង្ស័យរាប់រយនាក់ពាក់ព័ន្ធនឹងឧក្រិដ្ឋកម្មទាក់ទងនឹងគ្រឿងញៀន ក្នុងអំឡុងពេលប្រតិបត្តិការទូទាំងប្រទេសនាពេលថ្មីៗនេះ៕

ដោយ៖ មូល មិនា (ប្រភព៖ ស៊ីនហួ)