AKP ភ្នំពេញ ថ្ងៃទី២៩ ខែមេសា ឆ្នាំ២០២៥ -- រដ្ឋមន្ត្រីការបរទេសសហរដ្ឋអាមេរិក លោក ម៉ាកូ រូប៊ីអូ (Marco Rubio) បាននិយាយកាលពីថ្ងៃអាទិត្យថា ទីក្រុងវ៉ាស៊ីនតោននឹងវាយតម្លៃចំពោះវឌ្ឍនភាពក្នុងការដោះស្រាយជម្លោះអ៊ុយក្រែននៅសប្តាហ៍ខាងមុខ ហើយនឹងសម្រេចចិត្តថា តើខ្លួនចង់បន្តចូលរួមនៅក្នុងដំណើរការសន្តិភាពនោះដែរឬក៏អត់។

លោក រូប៊ីអូ បាននិយាយប្រាប់សារព័ត៌មាន NBC News ថា «ខ្ញុំគិតថា នេះគឺជាសប្តាហ៍ដ៏សំខាន់មួយ។ សប្តាហ៍នេះនឹងក្លាយជាសប្តាហ៍ដ៏សំខាន់ដែលយើងត្រូវធ្វើការប្តេជ្ញាចិត្តថាតើនេះជាកិច្ចខិតខំប្រឹងប្រែងដែលយើងចង់បន្តពាក់ព័ន្ធឬ ប្រសិនបើវាដល់ពេលដែលត្រូវផ្តោតសំខាន់ទៅលើបញ្ហាមួយចំនួនផ្សេងទៀតដែលស្មើគ្នា ប្រសិនបើមិនសំខាន់ជាងករណីខ្លះ។ ប៉ុន្តែយើងចង់ឃើញវាកើតឡើង។ វាមានហេតុផលដែលត្រូវមានសុទិដ្ឋិនិយម ប៉ុន្តែវាក៏ត្រូវមានហេតុផលជាក់ស្តែងផងដែរ»។

រដ្ឋមន្រ្តីរូបនោះ​ក៏​បាន​និយាយផង​ដែរ​ថា ទីក្រុង​វ៉ាស៊ីនតោន​មិន​ពង្រីក​ទណ្ឌកម្ម​ប្រឆាំង​នឹង​រុស្ស៊ីទេ ហើយក៏មិន​ដើម្បី​រារាំងដល់​ដំណើរការ​សន្តិភាពដែរ៕

ដោយ៖ យា ចិន្ដាខន្ដី (ប្រភព៖ ស្ពុតនីក)