AKP ភ្នំពេញ ថ្ងៃទី២៥ ខែមេសា ឆ្នាំ២០២៥ -- លោក លី ហុងហ្សុង (Li Hongzhong) ប្រធាន​ភាគី​ចិន​នៃ​គណៈកម្មាធិការ​មិត្តភាព​ចិន​-រុស្ស៊ី ​ដើម្បី​សន្តិភាព​និង​ការអភិវឌ្ឍ​បាន​ជួប​ជាមួយ​សមភាគី​រុស្ស៊ី ​លោក បូរីស ទីតូវ (Boris Titov) កាលពី​ថ្ងៃ​ព្រហស្បតិ៍​ក្នុង​ទីក្រុង​ប៉េកាំង។

លោក លី ជាអនុប្រធានគណៈកម្មាធិការអចិន្ត្រៃយ៍នៃសភាប្រជាជនជាតិបាននិយាយថា ភាគីចិនមានឆន្ទៈក្នុងការធ្វើការជាមួយភាគីរុស្ស៊ីដើម្បីរួមគ្នាអនុវត្តន៍ការឯកភាពដ៏សំខាន់ដែលប្រមុខរដ្ឋទាំងពីរសម្រេចបាន និងផ្តល់តួនាទីពេញលេញចំពោះគណៈកម្មាធិការមិត្តភាព។

លោក លី បាននិយាយថា ភាគីចិនបានត្រៀមខ្លួនជាស្រេចដើម្បីបន្តទំនាក់ទំនងមិត្តភាពយូរអង្វែងរវាងប្រទេសចិន និងរុស្ស៊ី និងបន្តបង្កើនការផ្លាស់ប្តូរប្រជាជនរវាងប្រទេសទាំងពីរ។

លោក ទីតូវ ប្រធានគណៈកម្មាធិការភាគីរុស្ស៊ីបាននិយាយថា ភាគីរុស្ស៊ីមានឆន្ទៈក្នុងការខិតខំប្រឹងប្រែងរួមគ្នាជាមួយភាគីចិនសម្រាប់ការអភិវឌ្ឍបន្ថែមទៀតនៃទំនាក់ទំនងរុស្ស៊ី-ចិន៕

ដោយ៖ មូល មិនា (ប្រភព៖ ភីបផលដេលី)