AKP ភ្នំពេញ ថ្ងៃទី២៤ ខែមេសា ឆ្នាំ២០២៥ -- សារព័ត៌មានស្កាយញូវស៍ បានរាយការណ៍ថា រដ្ឋមន្ត្រីការបរទេសរបស់ចក្រភពអង់គ្លេស បារាំង អាល្លឺម៉ង់ និងអ៊ុយក្រែន បានពន្យារពេលកិច្ចប្រជុំដែលគ្រោងធ្វើកាលពីថ្ងៃពុធម្សិលមិញនេះ បន្ទាប់ពីរដ្ឋមន្ត្រីការបរទេសសហរដ្ឋអាមេរិក លោក ម៉ាកូ រូប៊ីអូ (Marco Rubio) សម្រេចចិត្តមិនធ្វើដំណើរទៅទីក្រុងឡុងដ៍។

បើយោង​តាម​សារព័ត៌មាននេះបានឱ្យដឹងថា កិច្ច​ពិភាក្សា​នឹង​ធ្វើ​ឡើង​ជំនួស​វិញ​ក្នុង​ចំណោម​មន្ត្រី​ជាន់​ខ្ពស់​មក​ពី​ប្រទេស​ទាំង៥។ សារព័ត៌មានស្កាយញូវស៍បានកត់សម្គាល់ថា រដ្ឋមន្ត្រីការបរទេសអ៊ុយក្រែន លោក អេនដ្រេ ស៊ីប៊ីហ្កា (Andrey Sibiga) ដែលគ្រោងនឹងមានវត្តមាននៅទីក្រុងឡុងដ៍ដែរនោះ ទំនងជានឹងជួបប្រជុំទ្វេភាគីជាមួយរដ្ឋមន្ត្រីការបរទេសអង់គ្លេស លោក ដេវីដ លែមមី (David Lammy)៕

ដោយ៖ យា ចិន្ដាខន្ដី (ប្រភព៖ តាសស៍)