AKP ភ្នំពេញ ថ្ងៃទី២៣ ខែមេសា ឆ្នាំ២០២៥-- 

ឯកឧត្តម ហាប់ ទូច រដ្ឋលេខាធិការប្រចាំការ ក្រសួងវប្បធម៌ និងវិចិត្តសល្ប: នៅថ្ងៃទី២៣ ខែមេសា ឆ្នាំ២០២៥ បានអនុញ្ញាតឱ្យលោកស្រី នុត ក្លារ៉ា នាយិកាប្រតិបត្តិក្រុមហ៊ុន អប្សរា មេឌា សឺវីស ឯ.ក (AMS) ព្រមទាំងក្រុមការងារ ចូលជួបសម្តែងការគួរសម និងស្នើសុំកិច្ចសហការការងារក្នុងប្រព័ន្ធផ្សព្វផ្សាយ ពិសេសគម្រោងផលិតមាតិកាពាក់ព័ន្ធនឹងវិស័យវប្បធម៌ នៅទីស្តីការក្រសួងវប្បធម៌ និងវិចិត្រសិល្បៈ។

ក្នុងឱកាសនោះ ឯកឧត្ដម ហាប់ ទូច បានសម្តែងការស្វាគមន៍ និងថ្លែងអំណរគុណចំពោះក្រុមហ៊ុន អប្សរា មេឌា សឺវីស ឯ.ក (AMS) ដែលកន្លងមកតែងចូលរួមចំណែកផលិត និងផ្សព្វផ្សាយព័ត៌មានពាក់ព័ន្ធនឹងវិស័យវប្បធម៌ និងវិចិត្រសិល្បៈ ហើយក្រសួងសូមគាំទ្រ និងបន្តកិច្ចសហការក្នុងការផលិតមាតិការសិល្ប:វប្បធម៌ និងផ្សព្វផ្សាយឱ្យកាន់តែទូលំទូលាយថែមទៀត។

ក្រុមហ៊ុន អប្សរា មេឌា សឺវីស ឯ.ក គឺជាអង្គភាពពហុព័ត៌មានឌីជីថល មួយដែលមានឯកទេសក្នុងការផលិត រាយការណ៍ និងផ្សព្វផ្សាយព័ត៌មានប្រកបដោយវិជ្ជាជីវៈ បានចូលរួមផ្សព្វផ្សាយពីកិច្ចការងាររបស់ក្រសួងលើវិស័យវប្បធម៌ដើម្បីបង្កើនការយល់ដឹងអំពីបេសកកម្ម គុណតម្លៃ សេវាសាធារណៈ និងសមិទ្ធផលនានារបស់ក្រសួងឱ្យសាធារណជនបានជ្រាបកាន់តែច្បាស់៕

ដោយ ណយ នឿន (ប្រភព៖ ក្រសួងវប្បធម៌)