AKP ភ្នំពេញ ថ្ងៃទី២២ ខែមេសា ឆ្នាំ២០២៥ -- ក្រសួងបាននិយាយនៅក្នុងសេចក្តីថ្លែងការណ៍មួយថា ក្រសួងសុខាភិបាលសាធារណៈរបស់រដ្ឋាភិបាលបណ្តោះអាសន្នអាហ្វហ្គានីស្ថានបានចាប់ផ្តើមយុទ្ធនាការទូទាំងប្រទេសកាលពីថ្ងៃចន្ទ ដើម្បីផ្តល់វ៉ាក់សាំងការពារជំងឺស្វិតដៃជើងដល់កុមារចំនួន ១១,៦លាននាក់ដែលមានអាយុក្រោម ៥ឆ្នាំ ។

លោក សារ៉ាហ្វាត ហ្សាម៉ាន់ អាម៉ារខីល (Sharafat Zaman Amarkhil) អ្នក​នាំពាក្យ​ក្រសួង​បាន​និយាយ​ថា ដោយ​ដំណើរការ​ពី​មួយ​​កន្លែង​ទៅ​មួយ​​កន្លែងពី​ថ្ងៃ​ចន្ទ​ដល់​ថ្ងៃ​ព្រហស្បតិ៍ យុទ្ធនាការ​នេះ​នឹង​ផ្តល់​ថ្នាំ​ប្រឆាំង​ជំងឺ​ស្វិតដៃជើង​ដល់​កុមារ​នៅ​ទូទាំង​ប្រទេស ដោយលោកបានបន្ថែមថាកម្រិតបន្ថែមនៃវីតាមីន A ក៏នឹងត្រូវផ្តល់ដល់កុមារអាយុក្រោម ៥ឆ្នាំផងដែរ។

លោក អាម៉ារខីល បានជំរុញឱ្យក្រុមព្រឹទ្ធាចារ្យកុលសម្ព័ន្ធ អ្នកប្រាជ្ញសាសនា និងអ្នកស្រុកចូលរួមយ៉ាងសកម្ម និងសហការយ៉ាងពេញលេញដើម្បីអនុវត្តន៍យុទ្ធនាការឱ្យបានត្រឹមត្រូវ៕ 

ដោយ៖ មូល មិនា (ប្រភព៖ ស៊ីនហួ)