AKP ភ្នំពេញ ថ្ងៃទី១០ ខែមេសា ឆ្នាំ២០២៥ -- ក្រសួង​ជនភៀសខ្លួន និង​មាតុភូមិនិវត្តន៍​បាន​និយាយ​ក្នុង​សេចក្តីថ្លែងការណ៍​មួយ​​ថា អ្នកទោស​អាហ្វហ្គានីស្ថាន​សរុប ១០១នាក់​ដែល​កំពុង​ជាប់​ឃុំឃាំង​ក្នុង​ប្រទេស​ប៉ាគីស្ថាន​ត្រូវបាន​ដោះលែង​ឱ្យវិល​ត្រឡប់​ទៅ​ប្រទេស​អាហ្វហ្គានីស្ថាន​វិញ។

យោងតាមសេចក្តីថ្លែងការណ៍របស់ក្រសួងបានឱ្យដឹងថា អ្នកជាប់ឃុំបានវិលត្រឡប់ទៅប្រទេសអាហ្វហ្គានីស្ថានវិញតាមរយៈព្រំដែលឆ្លងកាត់Spin Boldak ក្នុងខេត្តកាន់ដាហារ ភាគខាងត្បូង។

កាលពីសប្តាហ៍មុន ជនជាតិអាហ្វហ្គានីស្ថានចំនួន ២២៣នាក់ដែលជាប់ឃុំឃាំងក្នុងប្រទេសប៉ាគីស្ថានត្រូវបានដោះលែង និងវិលត្រឡប់ទៅប្រទេសកំណើតរបស់ពួកគេវិញ។ រដ្ឋាភិបាល​ប៉ាគីស្ថាន​គ្រោង​នឹង​និរទេស​ជន​ជាតិ​អាហ្វហ្គានីស្ថាន​ចំនួន ៣​លាន​នាក់​ឱ្យវិលត្រលប់ទៅ​ប្រទេស​កំណើតវិញ​នៅ​ឆ្នាំ​២០២៥។

រដ្ឋាភិបាលបណ្តោះអាសន្នអាហ្វហ្គានីស្ថានបានជំរុញម្តងហើយម្តងទៀតនូវជនភៀសខ្លួនអាហ្វហ្គានីស្ថានឱ្យវិលត្រឡប់មកវិញ និងជួយកសាងប្រទេសដែលហែកហួរដោយសង្រ្គាមរបស់ពួកគេឡើងវិញ៕

ដោយ៖ មូល មិនា (ប្រភព៖ ស៊ីនហួ)