AKP ភ្នំពេញថ្ងៃទី៣១ ខែមីនា ឆ្នាំ២០២៥--

នៅថ្ងៃទី៣១ ខែមីនា ឆ្នាំ២០២៥ នៅសាលប្រជុំព្រះវិហារ(ទីស្ដីការក្រសួងព័ត៌មាន) មានរៀបចំកិច្ចប្រជុំពិភាក្សា ប្រមូលធាតុចូល  ដើម្បីធ្វើបទ អន្តរាគមន៍ផ្សព្វផ្សាយនូវ សមិទ្ធិផល ដែលក្រុមការងារ យេនឌ័រ និងការងារ ពាក់ព័ន្ធស្ត្រី  និងក្មេង ស្រី របស់ក្រសួងព័ត៌មាន(ក.យ.ស.ស.ពម) បានអនុវត្ត ក្នុង ឆ្នាំ២០២៤ និង លើកទិសដៅការងារបន្ត សម្រាប់ ឆ្នាំ២០២៥     ដឹកនាំ ដោយលោកជំទាវ  ឆៃ ច័ន្ទរិទ្ធី សូលីដា  រដ្ឋលេខាធិការក្រសួងព័ត៌មាន  ។ 

ក្នុងកិច្ចប្រជុំ លោកជំទាវ បានមានប្រសាសន៍ថា៖(ក.យ.ស.ស.ពម)នៃក្រុមការងារក្រុមប្រឹក្សាជាតិលើក កម្ពស់សីលធម៌សង្គម តម្លៃស្រ្តី និងគ្រួសារខ្មែរ បានរៀបចំកិច្ចពិភាក្សាចំនួន៦ប្រធានបទស្តីពី ៖
១.ក្រុមការងារ  យេនឌ័រ 
២.ក្រុមការងារ លើកកម្ពស់ សីលធម៌សង្គម តម្លៃស្រ្តី និងគ្រួសារខ្មែរ
៣.ក្រុមការងារក្រុមប្រឹក្សាជាតិកម្ពុជាដើម្បីស្ត្រី
៤.ក្រុមការងារទប់ស្កាត់អំពើហឹង្សាលើស្ត្រី និង ក្មេងស្រី
៥.រៀបចំក្រុមការងារ ឱ្យបានចំគោលដៅ ដោយរួមបញ្ចូលពីថ្នាក់ក្រសួង(នាយកដ្ឋានទាំង៥)រហូតដល់មន្ទីរព័ត៌មានតាមបណ្ដាខេត្តទូទាំងប្រទេស។
៦.ផ្សព្វផ្សាយអនុសាស៦ចំនុចរបស់លោកជំទាវ ពេជ  ចន្ទ មុនី ហ៊ុន ម៉ាណែត
ក្នុងគោលបំណង៖
១.ផ្សព្វផ្សាយឱ្យបានទូលំទូលាយបង្កើនការយល់ដឹងជូនសាធារណជន  ប្រកបដោយសីលធម៌វិជ្ជាជីវៈ
២.បង្កើនការយល់ដឹងជូនសាធារណជនជាពិសេសយុវជនអំពីគោលគំនិតសំខាន់ៗនៃភាពជាប់ពាក់ព័ន្ធនៃសីលធម៌សង្គម តម្លៃស្ត្រី និងគ្រួសារខ្មែរ 
៣.ផ្សារភ្ជាប់អន្តរជំនាន់ ក្នុងចំណោមបុគ្គល គ្រួសារ សហគមន៍ និងសង្គមដើម្បីបង្កើនការយល់ដឹងអំពីសីលធម៌សង្គម និងបង្កើនទំនាក់ទំនងរវាងមនុស្សពីមួយជំនាន់ទៅមួយជំនាន់។     ប្រយោជន៍ដើម្បីបញ្ជ្រាបការយល់ដឹងដល់មហាជន
-យល់ច្បាស់អំពីសារៈសំខាន់ក្នុងការប្រើប្រាស់ការ ផ្សព្វផ្សាយសីលធម៍សង្គម និងការផ្សព្វផ្សាយមាតិការដែលមានវិជ្ជាជីវៈលើបណ្តាញសង្គម។លុ។
-យល់ច្បាស់អំពីគន្លឹះក្នុងការប្រត្តិបត្តិសីលធម៍សង្គម គុណតម្លៃទំនៀមទំលាប់នៅក្នុងគ្រួសារ ដែលមានការគោរពនូវភាពខុសគ្នានៅក្នុងអន្តរជំនាន់។

ដើម្បីចូលរួមចំណែកក្នុងការលើកកម្ពស់ការគោរពសិទ្ធិមនុស្ស សិទ្ធិស្រ្តី សិទ្ធិកុមារ សិទ្ធិជនមានពិការភាព និងសិទ្ធិដទៃទៀតក្នុងសង្គម,លើកកម្ពស់ការគោរពច្បាប់និងកាត់បន្ថយការរើសអើងគ្រប់រូបភាពសំដៅ បង្កើតបានសង្គមកម្ពុជាមួយ ប្រកបដោយកិត្តិយស សេចក្តីថ្លៃថ្នូរ សន្តិភាព និងសុខដុមរមនា៕
ដោយ៖ ពេជ្រ សំអឿន