AKP ភ្នំពេញ ថ្ងៃទី២៧ ខែមីនា ឆ្នាំ២០២៥ -- អ្នកនាំពាក្យក្រសួងព័ត៌មាននិងវប្បធម៌របស់រដ្ឋាភិបាលបណ្តោះអាសន្នអាហ្វហ្គានីស្ថាន (MIC) បាននិយាយកាលពីថ្ងៃពុធថា ភ្ញៀវទេសចរបរទេសជាង ៨.០០០នាក់បានទៅទស្សនាប្រទេសអាហ្វហ្គានីស្ថានក្នុងឆ្នាំ១៤០៣ (ឆ្នាំតាមប្រតិទិន Persian ដែលបានបញ្ចប់នៅថ្ងៃទី២០ ខែមីនា ឆ្នាំ២០២៥) ហើយចំនួនជនបរទេសដែលមកទស្សនាប្រទេសនេះកំពុងកើនឡើង។

វិទ្យុ និងទូរទស្សន៍ជាតិអាហ្វហ្គានីស្ថានបានដកស្រង់សម្តីអ្នកនាំពាក្យក្រសួង MIC លោក ហាប៊ីប ហ្គាហ្វ្រាន់ (Habib Ghafran) បាននិយាយថាត្រូវបានចុះបញ្ជីដោយក្រសួង MIC ចំនួនភ្ញៀវទេសចរបរទេសដែលមកទស្សនាប្រទេសអាហ្វហ្គានីស្ថានក្នុងឆ្នាំ១៤០៣ គឺច្រើនជាង ៨.២០០នាក់។

យោងតាមមន្ត្រីដដែលបានឱ្យដឹងថា ភ្ញៀវទេសចរក្នុងស្រុកប្រហែល៤លាននាក់ក៏បានទៅទស្សនាបេតិកភណ្ឌវប្បធម៌ សម្រស់ធម្មជាតិ និងបូជនីយដ្ឋានប្រវត្តិសាស្ត្រនៅក្នុងខេត្តមួយចំនួននៃប្រទេសក្នុងរយៈពេលមួយឆ្នាំកន្លងមកនេះ។

មន្ត្រីរូបនេះបាននិយាយថា ក្រសួង MIC បានដាក់ការដេញថ្លៃរបស់ខ្លួនដើម្បីទាក់ទាញភ្ញៀវទេសចរកាន់តែច្រើនបាននឹងកំពុងព្យាយាមផ្តល់នូវមធ្យោបាយចាំបាច់ទាំងអស់ រួមទាំងអ្នកបកប្រែ ការដឹកជញ្ជូន និងការស្នាក់នៅ។ រហូតមកដល់ពេលនេះ សណ្ឋាគារចំនួន ៤កន្លែងត្រូវបានសាងសង់នៅក្នុងខេត្តនូរីស្ថាន ខេត្តប៉ាក់ទៀ ខេត្តកាពីសា និងខេត្តហ្គ័រ ដើម្បីស្វាគមន៍ភ្ញៀវទេសចរ៕

ដោយ៖ មូល មិនា (ប្រភព៖ ស៊ីនហួ)