AKP ភ្នំពេញ ថ្ងៃទី២៦ ខែមីនា ឆ្នាំ២០២៥ -- ឧបនាយករដ្ឋមន្ត្រីចិន លោកហេ លីហ្វេង (He Lifeng) បាននិយាយថា ប្រទេសចិនលើកទឹកចិត្តឱ្យក្រុមហ៊ុនអាមេរិកកាន់តែច្រើន និងមានដើមទុនរយៈពេលវែងដើម្បីបន្តធ្វើឱ្យស៊ីជម្រៅកិច្ចសហប្រតិបត្តិការដែលមានផលប្រយោជន៍ទៅវិញទៅមកជាមួយប្រទេសចិន ដោយដើរតួនាទីកាន់តែធំក្នុងការលើកកម្ពស់ការអភិវឌ្ឍនៃទំនាក់ទំនងសេដ្ឋកិច្ច និងពាណិជ្ជកម្មទ្វេភាគី។

លោក​ក៏​ជា​សមាជិក​ការិយាល័យ​នយោបាយ​នៃ​គណៈកម្មាធិការ​មជ្ឈិម​បក្ស​កុម្មុយនិស្ត​ចិន​​បាន​ធ្វើ​ការ​កត់សម្គាល់​ពេល​ជួប​ជាមួយ​ប្រធាន​ក្រុមហ៊ុនBlackstone Group លោក ស្តេហ្វេន ស្កាហ្សម៉ាន់ (Stephen Schwarzman)។ លោកបានចង្អុលបង្ហាញថា សេដ្ឋកិច្ចរបស់ប្រទេសចិនបច្ចុប្បន្នកំពុងបង្ហាញពីសន្ទុះវិជ្ជមានដោយភាពរឹងមាំ និងថាមវន្តត្រូវបានបញ្ចេញបន្ថែមទៀត។

លោក​បាន​បន្ត​ថា គំរូ​នៃ​ការ​អភិវឌ្ឍ​ថ្មី​ដែល​មានការ​ចរាចរ​ក្នុងស្រុក​ជា​ចរន្ត​សំខាន់ និង​អន្តរជាតិ​ដែល​ពង្រឹង​គ្នា​ទៅ​វិញ​ទៅ​មក​កំពុង​ពន្លឿន​ការ​បង្កើត​របស់​ខ្លួន ដោយ​បង្ហាញ​ពី​ការ​រំពឹង​ទុក​កាន់​តែ​ភ្លឺ​ស្វាង។

លោក ស្កាហ្សម៉ាន់ បានសម្តែងនូវទំនុកចិត្តលើការអភិវឌ្ឍសេដ្ឋកិច្ចរបស់ប្រទេសចិន ហើយមានឆន្ទៈក្នុងការបន្តធ្វើឱ្យកាន់តែស៊ីជម្រៅនូវការចូលរួមរបស់ក្រុមហ៊ុន Blackstone នៅក្នុងទីផ្សារប្រទេសចិន ដោយរួមចំណែកយ៉ាងសកម្មដល់កិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងសហរដ្ឋអាមេរិក និងចិនកាន់តែរឹងមាំ៕

ដោយ៖ មូល មិនា (ប្រភព៖ ភីបផលដេលី)