EN 
FR 
AR
CNស្រីលង្កានឹងរៀបចំការបោះឆ្នោតរដ្ឋាភិបាលក្នុងតំបន់នៅខែឧសភា
AKP ភ្នំពេញ ថ្ងៃទី២១ ខែមីនា ឆ្នាំ២០២៥ -- គណៈកម្មាធិការរៀបចំការបោះឆ្នោតស្រីលង្កាបានប្រកាសកាលពីថ្ងៃព្រហស្បតិ៍ថា ការបោះឆ្នោតរដ្ឋាភិបាលក្នុងតំបន់នឹងធ្វើឡើងនៅថ្ងៃទី៦ ខែឧសភា។
ការប្រកាសនេះធ្វើឡើងបន្ទាប់ពីគណៈកម្មការបានបញ្ចប់ដំណើរការតែងតាំងសម្រាប់ការបោះឆ្នោតនៅថ្ងៃទី២០ ខែមីនា។
យោងតាមគណៈកម្មការ ការបោះឆ្នោតនឹងប្រព្រឹត្តទៅសម្រាប់ស្ថាប័នរដ្ឋាភិបាលក្នុងស្រុកចំនួន ៣៣៦ ដោយមានអ្នកបោះឆ្នោតចំនួន១៧.២៩៦.៣៣០នាក់មានសិទ្ធិបោះឆ្នោត។
ការបោះឆ្នោតដំបូងត្រូវបានកំណត់ពេលសម្រាប់ឆ្នាំ២០២៣ ប៉ុន្តែត្រូវបានពន្យារពេលដោយសាររដ្ឋាភិបាលបានលើកឡើងពីការលំបាកផ្នែកហិរញ្ញវត្ថុរបស់ប្រទេស។
នៅខែសីហា ឆ្នាំ២០២៤ តុលាការកំពូលបានបញ្ជាឱ្យគណៈកម្មាធិការរៀបចំការបោះឆ្នោតរៀបចំការបោះឆ្នោតរដ្ឋាភិបាលមូលដ្ឋានឱ្យបានឆាប់តាមដែលអាចធ្វើទៅបាន៕
ដោយ៖ មូល មិនា (ប្រភព៖ ស៊ីនហួ)
