AKP ភ្នំពេញ ថ្ងៃទី១៧ ខែមីនា ឆ្នាំ២០២៥ -- ប្រទេសនូវែលសេឡង់ និងឥណ្ឌាបានព្រមព្រៀងគ្នាដើម្បីចាប់ផ្តើមការចរចាលើកិច្ចព្រមព្រៀងពាណិជ្ជកម្មសេរីទូលំទូលាយ (FTA) នៅខែមេសា បន្ទាប់ពីកិច្ចប្រជុំរវាងរដ្ឋមន្ត្រីពាណិជ្ជកម្មនៃប្រទេសទាំងពីរកាលពីថ្ងៃអាទិត្យ។

នាយករដ្ឋមន្ត្រីនូវែលសេឡង់ លោក គ្រីស្ដូហ្វ័រ លូសុន (Christopher Luxon) បាននិយាយបន្ទាប់ពីការពិភាក្សាយ៉ាងទូលំទូលាយនៅទីក្រុងញូវដេលី រវាងរដ្ឋមន្ត្រីពាណិជ្ជកម្ម និងវិនិយោគនូវែលសេឡង់ លោក តូដ ម៉ាកក្លាយ (Todd McClay) និងសមភាគីឥណ្ឌា លោក ភីយូស ហ្គោយ៉ាល់ (Piyush Goyal) បាននិយាយថា «សេចក្តីប្រកាសនេះគឺជាការទម្លាយដ៏សំខាន់មួយនៅក្នុងទំនាក់ទំនងសេដ្ឋកិច្ចរវាងប្រទេសឥណ្ឌា និងនូវែលសេឡង់» ។

លោក លូសុន បាននិយាយថា ប្រទេសឥណ្ឌាមានសក្តានុពលដ៏សំខាន់សម្រាប់នូវែលសេឡង់ ហើយនឹងដើរតួយ៉ាងសំខាន់ក្នុងការបង្កើនការនាំចេញរបស់ប្រទេសនូវែលសេឡង់               ទ្វេដងដោយតម្លៃក្នុងរយៈពេលមួយទសវត្សរ៍ខាងមុខ។

លោក ម៉ាកក្លាយ បាននិយាយថា ទន្ទឹមនឹងការចរចាកិច្ចព្រមព្រៀងពាណិជ្ជកម្មប្រទេសនូវែលសេឡង់នឹងបន្តវិនិយោគក្នុងការតភ្ជាប់កាន់តែរឹងមាំ ស៊ីជម្រៅ និងប្រកបដោយនិរន្តរភាពបន្ថែមទៀតជាមួយប្រទេសឥណ្ឌា៕

ដោយ៖ មូល មិនា (ប្រភព៖ ស៊ីនហួ)