AKP ភ្នំពេញ ថ្ងៃទី១៧ ខែមីនា ឆ្នាំ២០២៥ -- គណៈប្រតិភូនៃបក្សកុម្មុយនិស្តចិន (CPC) ដឹកនាំដោយ លោក ម៉ា ហ៊ុយ (Ma Hui) អនុរដ្ឋមន្ត្រីនៃនាយកដ្ឋានអន្តរជាតិនៃគណៈកម្មាធិការកណ្តាលបក្ស CPC បានទៅបំពេញទស្សនកិច្ចនៅប៉ាណាម៉ា។

ក្នុង​ដំណើរ​ទស្សនកិច្ច​នេះ លោក ម៉ា បាន​ជួប​ជាមួយ​មេដឹកនាំ​នៃ​គណបក្ស​នយោបាយ​ធំៗ​របស់​ប្រទេស​ប៉ាណាម៉ា និង​បាន​ផ្លាស់ប្តូរ​យោបល់​ជាមួយ​អ្នក​ជំនាញ។

លោក ម៉ា បាននិយាយថា ប្រទេសចិនមានឆន្ទៈក្នុងការពង្រឹងការផ្លាស់ប្តូរជាមួយគណបក្សនយោបាយប៉ាណាម៉ា និងក្រុមអ្នកជំនាញ បង្កើនការយល់ដឹង និងការជឿទុកចិត្តគ្នាទៅវិញទៅមក ព្រមទាំងពង្រឹងការគាំទ្រសាធារណៈសម្រាប់ទំនាក់ទំនងមិត្តភាពរវាងប្រទេសចិន និងប៉ាណាម៉ា។

ទន្ទឹមនឹងនោះ ភាគីប៉ាណាម៉ាបានសម្តែងនូវឆន្ទៈរបស់ខ្លួនក្នុងការពង្រឹងការផ្លាស់ប្តូរមិត្តភាពរវាងប្រទេសទាំងពីរ បង្កើតការឯកភាពគ្នាលើកិច្ចសហប្រតិបត្តិការ និងជំរុញការអភិវឌ្ឍប្រកបដោយចីរភាពនៃទំនាក់ទំនងមិត្តភាពរបស់ពួកគេ៕

ដោយ៖ មូល មិនា (ប្រភព៖ ភីបផលដេលី)