AKP ភ្នំពេញ ថ្ងៃទី០៧ ខែមិនា ឆ្នាំ២០២៥ -- ប្រធានាធិបតីកៀស៊ីហ្ស៊ីស្ថានលោក សាដៀ ចាប៉ារ៉ូវ (Sadyr Japarov) បាននិយាយកាលពីថ្ងៃព្រហស្បតិ៍ក្នុងបទសម្ភាសន៍ជាមួយទីភ្នាក់ងារសារព័ត៌មាន Kabar របស់ប្រទេសនេះ ដោយលោកបានអត្ថាធិប្បាយលើកិច្ចព្រមព្រៀងស្តីពីការកំណត់ព្រំដែនប្រទេសកៀហ្ស៊ីស៊ីស្ថាន-តាជីគីស្ថាន។

លោក ចាប៉ារ៉ូវ បាន​បញ្ជាក់​ថា​ «​ព្រំដែន​ត្រូវ​បាន​ដោះស្រាយ​ជា​អចិន្ត្រៃយ៍។ បញ្ហា​នេះ​ត្រូវ​បាន​បិទ ហើយ​ផលប្រយោជន៍​របស់​ភាគី​ទាំង​ពីរ​ត្រូវ​បាន​គេ​គិតគូរ​»។

ពិធីសារចុងក្រោយស្តីពីព្រំដែនប្រទេសកៀហ្ស៊ីស៊ីស្ថាន-តាជីគីស្ថាន ត្រូវបានចុះហត្ថលេខានៅទីក្រុង Bishkek នៅថ្ងៃទី២១ ខែកុម្ភៈ បន្ទាប់ពីកិច្ចប្រជុំរួមនៃគណៈប្រតិភូរដ្ឋាភិបាលមកពីប្រទេសកៀហ្ស៊ីស៊ីស្ថាន និងតាជីគីស្ថាន ស្តីពីការកំណត់ព្រំដែន និងការបោះបង្គោលព្រំដែន។

បន្ទាប់មក ភាគីទាំងពីរបានចាប់ផ្តើមកិច្ចព្រមព្រៀងស្តីពីព្រំដែនប្រទេសកៀហ្ស៊ីស៊ីស្ថាន-តាជីគីស្ថាន ការសាងសង់ និងប្រើប្រាស់ផ្លូវហាយវេការបង្កើត និងប្រើប្រាស់ផ្លូវប្រសព្វផ្លូវហាយវេ និងការចូលទៅកាន់កន្លែងគ្រប់គ្រងទឹក និងថាមពល៕

ដោយ៖ មូល មិនា (ប្រភព៖ ស៊ីនហួ)