AKP ភ្នំពេញ ថ្ងៃទី០៧ ខែមិនា ឆ្នាំ២០២៥ -- យោងតាមសេវាសារព័ត៌មានប្រធានាធិបតីកាហ្សាក់ស្ថានកាលពីថ្ងៃព្រហស្បតិ៍ បានឱ្យដឹងថា ប្រធានាធិបតីកាហ្សាក់ស្ថាន លោក កាសស៊ីម ចូម៉ាត តូកេវ (Kassym-Jomart Tokaev) បានសន្ទនាតាមទូរស័ព្ទជាមួយសមភាគីរុស្ស៊ី លោក វ្លាឌីមៀ ពូទីន (Vladimir Putin) ។

សេវាសារព័ត៌មានបាននិយាយថា «ប្រមុខរដ្ឋបានកត់សម្គាល់ពីការអភិវឌ្ឍយ៉ាងស្វាហាប់នៃទំនាក់ទំនងរវាងប្រទេសកាហ្សាក់ស្ថាន និងរុស្ស៊ីក្នុងស្មារតីមិត្តភាព ភាពជាអ្នកជិតខាង និងសម្ព័ន្ធភាព»។

ប្រធានាធិបតីបានពិភាក្សាអំពីកិច្ចសហប្រតិបត្តិការលើវិស័យពាណិជ្ជកម្ម និងសេដ្ឋកិច្ច ហើយបានគូសបញ្ជាក់ពីការអនុវត្តប្រកបដោយជោគជ័យនៃកិច្ចព្រមព្រៀងដែលសម្រេចបានក្នុងកម្រិតកំពូល៕

ដោយ៖ មូល មិនា (ប្រភព៖ ស៊ីនហួ)