AKP ភ្នំពេញ ថ្ងៃទី១៨ ខែកុម្ភៈ ឆ្នាំ២០២៥ -- មនុស្សរាប់ពាន់នាក់បានប្រមូលផ្តុំគ្នាសម្រាប់ការបើកពិធីបុណ្យប្រចាំឆ្នាំបាកុន (Bacon) និងមូលឡេដ រ៉ាគៀ(Mulled Rakia) ។ កម្មវិធីដ៏សម្បូរបែបនៃពិធីបុណ្យនេះ រួមមានការភ្លក់អាហារ ការប្រលងធ្វើម្ហូប តន្ត្រី និងការសំដែងរបាំ។

អភិបាលក្រុងអាព្រីលស៊ី លោក ទីហូមៀ គូកេនស្គី (Tihomir Koukenski) បាននិយាយថាលោករំពឹងថានឹងមានអ្នកមកទស្សនាច្រើនជាងឆ្នាំមុនចំនួន ៣៥.០០០នាក់។ បើតាមយោបល់របស់លោក ពិធីបុណ្យនេះមានគោលបំណងរក្សាប្រពៃណី និងបង្ហាញភ្ញៀវនូវមុខម្ហូបក្នុងស្រុកដាក់លើចានជាមួយ bacon និងរបៀបដែលអ្នកស្រុកធ្វើម្ហូប mulled rakia ក៏ដូចជាដើម្បីគាំទ្រដល់សេដ្ឋកិច្ចក្នុងស្រុកដែល ៨០% ផ្អែកលើវិស័យទេសចរណ៍។ លោក​បាន​បន្ថែម​ថា​ «​បច្ចុប្បន្ន​នេះ​មិន​មាន​កន្លែង​ទំនេរ​សម្រាប់​ស្នាក់​នៅ​ក្នុង​ចម្ងាយ៣០គីឡូម៉ែត្រ​នៃទីក្រុងអាព្រីលស៊ីទេ។ លោក គូកេនស្គី បានប្រាប់សារព័ត៌មាន BTA ថា ការបោះពុម្ពឆ្នាំនេះនៃពិធីបុណ្យត្រូវបានផ្សាយបន្តផ្ទាល់។ 

អ្នកទស្សនាមានឱកាសសាកល្បងម្ហូប Granny's Dish ដែលចម្អិនដោយមេចុងភៅ លោក ប្លាមេន ប៉េត្រូវ (Plamen Petrov) នៅក្នុងខ្ទះដ៏ធំមួយ។ លោក​បាន​ប្រើ​ពងមាន់​ចំនួន​ ៥៥០​គ្រាប់ ប៊ីចេង​ ៣០​គីឡូក្រាមខ្ទឹមបារាំង​ក្រហម ​៣០​គីឡូក្រាម និង​ដំបែ​ ៣០​គីឡូក្រាម​។ លោក ប៉េត្រូវដែលកើតនៅទីក្រុងអាព្រីលស៊ី បាននិយាយថា រូបមន្តនេះមានអាយុកាលយ៉ាងហោចណាស់ ១០០ឆ្នាំ។

នៅក្នុងកម្មវិធីក៏មានការប្រគួតធ្វើម្ហូប mulled rakia និង bacon ល្អបំផុត គឺជាម្ហូបដែលទាក់ទាញបំផុត pasta ឆ្ងាញ់ជាងគេ និង bacon ឆ្ងាញ់ជាងគេ។ មុខម្ហូបបែបប្រពៃណីត្រូវបានដាក់តាំងបង្ហាញសម្រាប់អ្នករាល់គ្នាបានសាកល្បង៕

ដោយ៖ មូល មិនា (ប្រភព៖ BTA)