AKP ភ្នំពេញ ថ្ងៃទី១៤ ខែកុម្ភៈ ឆ្នាំ២០២៥ -- កងកម្លាំងការពារ និងសន្តិសុខនីហ្សេរីយ៉ាបាននិយាយថា ទាហាន ៤នាក់បានរងរបួសនៅក្នុងការវាយប្រហារដោយឧបករណ៍បំផ្ទុះដែលផលិតឡើងនាពេលថ្មីៗនេះលើបេសកកម្មនៅក្នុងតំបន់ភាគនិរតីនៃតំបន់ Tillabery ។

កងទ័ពបាននិយាយនៅក្នុងសេចក្តីថ្លែងការណ៍មួយថា ប្រតិបត្តិការសន្តិសុខនៅទូទាំងប្រទេសបានចាប់ខ្លួនភេរវករ ២៧នាក់ ដែលខ្លះមានទំនាក់ទំនងជាមួយក្រុមបូកូហារ៉ាម (Boko Haram) និងខ្លះទៀតមានទំនាក់ទំនងជាមួយក្រុមរដ្ឋអ៊ីស្លាមនៅតំបន់អាហ្វ្រិកខាងលិច។

ប្រតិបត្តិការទាំងនេះរឹបអូសបានអាវុធយុទ្ធភណ្ឌ និងគ្រាប់រំសេវយ៉ាងច្រើនសន្ធឹកសន្ធាប់ យានជំនិះចំនួន ២គ្រឿង ម៉ូតូមួយគ្រឿង វិទ្យុម៉ាកMotorola ចំនួន ៣គ្រឿង ព្រមទាំងក្បាលគោក្របីដែលលួចបានមួយចំនួននិងប្រេងឥន្ធនៈមួយចំនួនធំ។

ប្រទេសនីហ្សេរីយ៉ាប្រឈមមុខនឹងអំពើហឹង្សានៅក្នុងតំបន់ជាប់ព្រំដែនមួយចំនួនដោយសារតែក្រុមភេរវករ ជាពិសេសក្រុមប្រដាប់អាវុធនិងក្រុមចោរផ្សេងទៀត ដែលបាននឹងកំពុងគ្រប់គ្រងភាគខាងត្បូងប្រទេសលីប៊ី ចាប់តាំងពីការផ្តួលរំលំរបបរបស់ លោក ម៉ាមម៉ារ ហ្វាដដាហ្វី (Muammar Gaddafi) ក្នុងឆ្នាំ២០១១ ក៏ដូចជាក្រុមភេរវករដែលមានទំនាក់ទំនងជាមួយក្រុមអាល់កៃដា ក្នុងរដ្ឋអ៊ីស្លាម Maghreb Ansar Dine និងចលនាផ្សេងទៀតដែលមានមូលដ្ឋាននៅភាគខាងជើងទីក្រុងម៉ា។

លើសពីនេះ ក្រុមភេរវករបូកូហារ៉ាមដែលបង្កើតឡើងនៅប្រទេសនីហ្សេរីយ៉ាក្នុងឆ្នាំ ២០០៩ បានសាយភាយភាពភ័យខ្លាចនៅក្នុងតំបន់ឌីហ្វហ្វាភាគអាគ្នេយ៍នៃប្រទេសនីហ្សេរីយ៉ា៕

ដោយ៖ មូល មិនា (ប្រភព៖ ស៊ីនហួ)