AKP ភ្នំពេញ ថ្ងៃទី១៦ ខែមករា ឆ្នាំ២០២៥ -- មន្ត្រីបាននិយាយកាលពីថ្ងៃពុធថា ទីភ្នាក់ងារលទ្ធកម្មអាវុធរបស់រដ្ឋបានចាប់ផ្តើមគម្រោងជួសជុលនាវាចម្បាំងទម្ងន់ ៤.៤០០តោនរបស់កងទ័ពជើងទឹកជាមួយនឹងបច្ចេកវិទ្យាក្នុងស្រុក ដើម្បីបង្កើនប្រសិទ្ធភាពក្នុងប្រតិបត្តិការកងនាវា។

យោង​តាម​ការ​គ្រប់គ្រង​កម្មវិធី​ទិញ​យក​ការពារ​ជាតិ (DAPA) បានឱ្យដឹងថា កិច្ចប្រជុំមួយដើម្បីពិភាក្សាលម្អិតអំពីការធ្វើឱ្យប្រសើរឡើងសម្រាប់នាវាពិឃាតជុងមូហ្គុង យី ស៊ុន ស៊ីន ក្លាស (Chungmugong Yi Sun-sin-class) បានធ្វើឡើងនៅការិយាល័យរបស់ក្រុមហ៊ុនការពារជាតិ Hanhwa Systems ក្នុងទីក្រុងហ្គូមី មា​នចម្ងាយ ២៣៣គីឡូម៉ែត្រភាគអាគ្នេយ៍នៃទីក្រុងសេអ៊ូលកាលពីព្រឹកមិញ។

យោងតាមផែនការកម្មវិធី DAPA គ្រោងនឹងបំពាក់សម្រាប់នាវាចម្បាំងទម្ងន់ ៤.៤០០តោនជាមួយនឹងប្រព័ន្ធប្រយុទ្ធក្នុងស្រុក ក៏ដូចជាប្រព័ន្ធសូណាដែលបានធ្វើឱ្យប្រសើរឡើង និងឧបករណ៍មីស៊ីលនាំផ្លូវសម្រាប់ការពង្រឹងសមត្ថភាពប្រឆាំងនាវាមុជទឹក និងការពារដែនអាកាស។

កម្មវិធី DAPA រំពឹងថាការធ្វើឱ្យប្រសើរឡើងដែលពាក់ព័ន្ធនឹងបច្ចេកវិទ្យាក្នុងស្រុកដើម្បីឱ្យប្រតិបត្តិការ និងការថែទាំនាវាចម្បាំងកាន់តែមានប្រសិទ្ធភាព។ ត្រូវបានចាត់តាំងក្នុងឆ្នាំ២០០៣ នាវាពិឃាតប្រភេទ ៤.៤០០តោនត្រូវបានចាត់ទុកថាជាទ្រព្យសម្បត្តិដ៏សំខាន់របស់កងទ័ពជើងទឹក៕

ដោយ៖ មូល មិនា (ប្រភព៖ យ៉ុនហាប់)