AKP ភ្នំពេញ ថ្ងៃទី១៣ ខែមករា ឆ្នាំ២០២៥ -- អាជ្ញាធរបាននិយាយថា ចំនួនអ្នកស្លាប់នៅក្នុងទីក្រុងឡូសអេនជេឡេសបានកើនឡើងដល់ ១៦នាក់ ខណៈដែលអណ្តាតភ្លើងនៅតែបន្តឆេះឥតឈប់ឈរសម្រាប់ថ្ងៃទីប្រាំជាប់ៗគ្នា។

ការិយាល័យរបស់អ្នកធ្វើការពិនិត្យសុខភាពនៅឡូសអេនជេឡេសបានបញ្ជាក់ថា អ្នកស្លាប់ ៥នាក់ត្រូវបានសន្មតថាបានឆេះស្លាប់ ហើយអ្នកស្លាប់ចំនួន ១១នាក់ទៀតបានបណ្តាលមកពីអគ្គិភ័យឆេះក្រុមហ៊ុន Eaton។

យ៉ាងហោចណាស់មានភ្លើងឆេះព្រៃចំនួន៤ នៅតែកំពុងឆាបឆេះជុំវិញទីក្រុងឡូសអេនជេឡេស។

អគ្គិភ័យបានដុតបំផ្លាញព្រៃទំហំ ៤០.០០០អាកកាលពីថ្ងៃសៅរ៍ ដោយបានបំផ្លាញរចនាសម្ព័ន្ធជាង១២​.០០០ ហើយមនុស្សជាង ១៥០.០០០នាក់កំពុងស្ថិតនៅក្រោមការជម្លៀសចេញ។

អគ្គីភ័យបានដុតបំផ្លាញព្រៃទំហំ ២៣.៦៥៤អាកនៅក្នុង និងជុំវិញសង្កាត់ប៉ាស៊ីហ្វិកប៉ាស៊ីហ្វិកដែលនៅក្បែរឆ្នេរ។ បន្ថែមពីលើនេះ អគ្គិភ័យបានដុតបំផ្លាញទំហំ ១៤.១១៧អាកនៅតាមវាលទំនាបនៅទីក្រុងអាល់តាដេណា នៅភាគឥសាននៃទីក្រុងឡូសអេនជេឡេស។ នេះបើយោងតាមនាយកដ្ឋានព្រៃឈើ និងការការពារអគ្គីភ័យរបស់រដ្ឋកាលីហ្វ័រញ៉ា៕

ដោយ៖ យា ចិន្ដាខន្ដី (ប្រភព៖ AA-AKP)