AKP ភ្នំពេញ ថ្ងៃទី២១ ខែតុលា ឆ្នាំ២០២៦--ឯកឧត្តមបណ្ឌិត ជួន ជីវិន រដ្ឋលេខាធិការក្រសួងអប់រំ យុវជន និងកីឡា បានវាយតម្លៃខ្ពស់ចំពោះការផ្ដល់អាហារូបករណ៍របស់សាកលវិទ្យាល័យ Ton Duc Thang (TDT) នៃសាធារណរដ្ឋសង្គមនិយមវៀតណាមដល់និស្សិតកម្ពុជានាពេលកន្លងមក ជាពិសេសអាហារូបករណ៍ថ្នាក់បរិញ្ញាបត្រចំនួន ៤០កន្លែង សម្រាប់ឆ្នាំសិក្សា២០២៦-២០២៧។

ក្នុងជំនួបសម្តែងការគួរសម និងពិភាក្សាការងារជាមួយគណៈប្រតិភូមកពីសាកលវិទ្យាល័យ Ton Duc Thang (TDT) នៃសាធារណរដ្ឋសង្គមនិយមវៀតណាម ដឹកនាំដោយសាស្ត្រាចារ្យរងបណ្ឌិត Dinh Hoang Bach នាយកវិទ្យាស្ថានកិច្ចការអន្តរជាតិ ការស្រាវជ្រាវ និងបណ្ដុះបណ្ដាល នាថ្ងៃទី២០ ខែតុលា ឆ្នាំ២០២៦ ឯកឧត្តមបណ្ឌិត ជួន ជីវិន បានស្វាគមន៍យ៉ាងកក់ក្ដៅចំពោះគណៈប្រតិភូ និងបានវាយតម្លៃខ្ពស់ចំពោះការផ្ដល់អាហារូបករណ៍របស់ TDT ដល់និស្សិតកម្ពុជានាពេលកន្លងមក ជាពិសេសអាហារូប

ករណ៍ថ្នាក់បរិញ្ញាបត្រចំនួន ៤០កន្លែង សម្រាប់ឆ្នាំសិក្សា ២០២៦-២០២៧។ ទន្ទឹមនឹងនេះ ឯកឧត្តមបណ្ឌិតក៏បានអនុញ្ញាតឱ្យអតីតនិស្សិតកម្ពុជាដែលធ្លាប់ទទួលបានអាហារូបករណ៍ពីសាកលវិទ្យាល័យ Ton Duc  Thang  រៀបរាប់ពីចំណាប់អារម្មណ៍របស់ពួកគេអំឡុងពេលការសិក្សាផងដែរ។

នាជំនួបនេះខាងភាគីសាកលវិទ្យាល័យ Ton Duc Thang (TDT) បានផ្ដល់ព័ត៌មានទាក់ទងនឹងសាកលវិទ្យាល័យ Ton Duc Thang ការផ្ដល់អាហារូបករណ៍របស់សាកលវិទ្យាល័យដល់និស្សិតកម្ពុជាសម្រាប់ឆ្នាំសិក្សា ២០២៦-២០២៧ រួមនឹងលទ្ធភាពនៃការពង្រឹង និងពង្រីកកិច្ចសហប្រតិបត្តិការរវាងក្រសួងអប់រំ 

យុវជន និងកីឡា ជាមួយ TDT សម្រាប់ពេលអនាគត។ លោកសាស្ត្រាចារ្យរងបណ្ឌិតបានលើកឡើងពីព័ត៌មានទាក់ទងនឹងសាកលវិទ្យាល័យ Ton Duc Thang ដែលតែងតែផ្ដល់អាហារូបករណ៍ដល់និស្សិតអន្តរជាតិទាំងអស់។ លើសពីនេះ លោកក៏បានសំណូមពរដល់ក្រសួងអប់រំ យុវជន និងកីឡា ឱ្យជួយផ្សព្វផ្សាយអាហារូបករណ៍របស់សាកលវិទ្យាល័យ Ton Duc Thang ដល់សិស្សវិទ្យាល័យទាំងអស់ផងដែរ៕

ដោយ៖ ចាន់ សុភឿន (ប្រភព៖ ក្រសួងអប់រំ)