AKP ភ្នំពេញ ថ្ងៃទី១២ ខែកញ្ញា ឆ្នាំ២០២៦–

អង្គការ WWF-កម្ពុជា បានជួបជុំគ្នាក្នុងសិក្ខាសាលា ការឆ្លុះបញ្ចាំងការងារប្រចាំ ឆ្នាំ២០២៦ ក្នុងរយៈពេលបីថ្ងៃ ចាប់ពីថ្ងៃទី៩-១១ ខែកញ្ញា ឆ្នាំ២០២៦ ដែលជាឱកាសដើម្បីអបអរសាទរសមិទ្ធផលរួម ឆ្លុះបញ្ចាំងពីមេរៀនដែលទទួលបាន និងការឆ្ពោះទៅមុខជាមួយនឹងការប្តេជ្ញាដើម្បីសម្រេចផែនការយុទ្ធសាស្ត្ររបស់ខ្លួន ។

អង្គការ WWF បានបង្ហាញពីការ អបអរសាទរ ចំពោះការខិតខំប្រឹងប្រែងរបស់បុគ្គលិក ភាពរឹងមាំនៃភាពជាដៃគូ និងវឌ្ឍនភាពនៃការងារអភិរក្សដែលយើងកំពុងសម្រេចបានរួមគ្នា ដើម្បីការពារសត្វព្រៃ ព្រៃឈើ ទន្លេ និងគាំទ្រសហគមន៍នៅកម្ពុជា។ យើងក៏បាន ឆ្លុះបញ្ចាំង ដោយបើកចំហអំពីអ្វីដែលយើងធ្វើបានល្អ ចំណុចដែលត្រូវកែលម្អ និងរបៀបដែលកិច្ចសហការកាន់តែរឹងមាំ និងវិធីសាស្ត្រការងារកាន់តែមានប្រសិទ្ធភាព អាចជួយឱ្យយើងសម្រេចបាននូវលទ្ធផលអភិរក្សកាន់តែប្រសើរ។ ជាមួយគ្នានេះដែរ យើងក៏បង្ហាញពីផែនការឆ្ពោះទៅមុខ ជាមួយអាទិភាពកាន់តែច្បាស់លាស់ និងការប្តេជ្ញាចិត្តរួមក្នុងការចូលរួមសម្រេច ផែនការយុទ្ធសាស្ត្ររបស់អង្គការ WWF-កម្ពុជា ឆ្នាំ ២០២៦–២០៣០ (OSP 2026–30) ដោយប្រែក្លាយការឆ្លុះបញ្ចាំងទៅជាសកម្មភាព និងប្រែក្លាយគោលដៅរបស់យើងទៅជាលទ្ធផលជាក់ស្តែង។

នៅពេលយើងចាប់ផ្តើមដំណើរថ្មីនេះ សារសំខាន់មួយនៅតែច្បាស់លាស់ គឺបុគ្គលិករបស់យើង ភាពជាដៃគូ និងគោលបំណងរួម នោះជាកម្លាំងស្នូលក្នុងការបង្កើតលទ្ធផលវិជ្ជមាន និងយូរអង្វែងសម្រាប់មនុស្ស និងធម្មជាតិ ៕

ដោយ៖ណយ នឿន (ប្រភព៖WWF)