AKP ភ្នំពេញ ថ្ងៃទី៤ ខែសីហា ឆ្នាំ២០២៦–ឯកឧត្តម ប៊ុន ហ៊ាន រដ្ឋលេខាធិការ ក្រសួងធនធានទឹក និងឧតុនិយម នាព្រឹកថ្ងៃទី៤ ខែសីហា ឆ្នាំ២០២៦នេះបានអញ្ជើញដឹកនាំកិច្ចប្រជុំលើកទី៤ ស្តីពីការវាយតម្លៃលទ្ធផលនៃការអនុវត្តគោលនយោបាយអភិវឌ្ឍន៍ឃុំ-សង្កាត់ ឆ្នាំ២០២២-២០២៧ និងលើកទិសដៅអភិវឌ្ឍន៍ឃុំ-សង្កាត់ ឆ្នាំ២០២៧-២០៣២ លើវិស័យធនធានទឹក និងឧតុនិយម នៅសាលប្រជុំលុច្សនៃទីស្ដីការក្រសួង។

កិច្ចប្រជុំនេះ មានសារសំខាន់ក្នុងការផ្តល់ធាតុចូលពីគ្រប់នាយកដ្ឋានជំនាញពាក់ព័ន្ធនឹងការងារស្នូល និងផែនការយុទ្ធសាស្ត្ររបស់ក្រសួងធនធានទឹក និងឧតុនិយម ដើម្បីពិភាក្សាលើសេចក្តីព្រាងគោលនយោបាយ និងគាំទ្រដល់ការអភិវឌ្ឍឃុំ-សង្កាត់ ឆ្នាំ២០២៧-២០៣២ ឱ្យកាន់តែមានប្រសិទ្ធភាព និងអាចអនុវត្តបានជាក់ស្តែង។

សូមបញ្ជាក់ថា ក្រសួងធនធានទឹក និងឧតុនិយម បានបំពេញតួនាទីយ៉ាងសកម្មក្នុងការគ្រប់គ្រង និងអភិវឌ្ឍន៍ធនធានទឹក ដើម្បីធានាការផ្គត់ផ្គង់ទឹកគ្រប់គ្រាន់ដល់គ្រប់វិស័យ និងគាំទ្រដល់គោលនយោបាយអភិវឌ្ឍន៍ឃុំ-សង្កាត់ ឆ្នាំ២០២២ -២០២៧ ក្នុងការកាត់បន្ថយភាពក្រីក្រ ធានាសន្តិសុខស្បៀង និងទប់ស្កាត់គ្រោះមហន្តរាយធម្មជាតិយ៉ាងមានប្រសិទ្ធភាព៕

ដោយ៖ ពេជ្រ សំអឿន(ប្រភព ក្រសួងធនធានទឹកនិងឧតុនិយម)