AKP ព្រះសីហនុ ថ្ងៃទី២៧ ខែកក្កដា ឆ្នាំ២០២៦ -- លោក អ៉ី ធារិន អភិបាលនៃគណៈអភិបាលស្រុកព្រៃនប់ កាលពីព្រឹកថ្ងៃចន្ទ​ ទី២៧ ខែកក្កដា ឆ្នាំ២០២៦​ បានអញ្ជើញចុះពិនិត្យ និងរៀបចំផែនការបច្ចេកទេស ដើម្បីស្តារអាងស្តុកទឹក​ ស្ថិតនៅឃុំសំរុង និងឃុំអណ្តូងថ្ម ស្រុកព្រៃនប់ ខេត្តព្រះសីហនុ។ តាមរយៈការបូម សម្អាតភក់ និងខ្សាច់ចេញពីបាតអាង ដើម្បីបង្កើនសមត្ថភាពរក្សាទុកទឹកស្អាតឱ្យបានច្រើនបំផុតសម្រាប់ប្រើប្រាស់នារដូវប្រាំងខាងមុខ ដែលចំពោះការត្រៀមលក្ខណៈទុកជាមុននេះ  គឺដើម្បីសន្តិសុខទឹកក្នុងរដូវប្រាំង​ សម្រាប់ប្រជាពលរដ្ឋប្រើប្រាស់ប្រចាំថ្ងៃ ហើយស្របតាមយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា។

ជាមួយគ្នានោះដែ លោកអភិបាលស្រុកព្រៃនប់ក៏បានចុះពិនិត្យលក្ខណៈបច្ចេកទេសក្នុងការគ្រប់គ្រងលំហូរទឹកភ្លៀងដែលហូរធ្លាក់ខ្លាំងពីលើភ្នំ តាមរយៈការគ្រប់គ្រងបើក ឬបិទទ្វារទឹក ដើម្បីធានាសុវត្ថិភាពទឹកក្នុងអាង និងបម្រើផលប្រយោជន៍ជូនប្រជាពលរដ្ឋឱ្យបានយូរអង្វែងផងដែរ។

ទន្ទឹមនឹងនោះ លោកអភិបាលស្រុកក៏បានធ្វើការអំពាវនាវដល់បងប្អូនប្រជាពលរដ្ឋដែលមានលំនៅដ្ឋាននៅក្បែប្រភពទឹកស្អាតទាំងពីរខាងលើ ត្រូវចូលរួមសហការក្នុងការថែរក្សា និងគ្រប់គ្រងប្រភពទឹកស្អាតនេះឱ្យបានវង់វង្ស​ ព្រោះវាជាផលប្រយោជន៍រួមរបស់យើងទាំងអស់គ្នា៕

ដោយ៖ ងូ សុមុនី