AKP បន្ទាយមានជ័យ ថ្ងៃទី២៧ ខែកក្កដា ឆ្នាំ២០២៦

លោក Thomas Andrews អ្នករាយការណ៍ពិសេសអង្គការសហប្រជាជាតិ ទទួលបន្ទុកស្ថានភាពសិទ្ធិមនុស្សនៅកម្ពុជា(UN) បានអញ្ជើញចុះទៅពិនិត្យជាក់ស្ដែងនៅទីតាំងដែលយោធាថៃបានដាក់ទូកុងតឺន័រ និងបន្លាលួស នៅតំបន់បឹងត្រកួន ស្រុកថ្មពួក ខេត្តបន្ទាយមានជ័យ នារសៀលថ្ងៃទី២៧ ខែកក្កដា ឆ្នាំ២០២៦។

ក្នុងដំណើរចុះពិនិត្យនេះ អ្នករាយការណ៍ពិសេសអង្គការសហប្រជាជាតិ ព្រមទាំងគណៈប្រតិភូ បានធ្វើការស្វែងយល់ និងសង្កេតមើលយ៉ាងយកចិត្តទុកដាក់លើស្ថានភាពភូមិសាស្ត្រ សន្តិសុខ និងជីវភាពរស់នៅរបស់ប្រជាពលរដ្ឋនៅតាមបណ្តោយព្រំដែន។

ជាមួយនឹងដំណើរទស្សនកិច្ចរបស់លោក Thomas Andrews អ្នករាយការណ៍ពិសេសអង្គការសហប្រជាជាតិ ទទួលបន្ទុកស្ថានភាពសិទ្ធិមនុស្សនៅកម្ពុជា នៅពេលនេះ គឺធ្វើឡើងដោយមានការសម្របសម្រួល ពីសំណាក់ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ និងមន្ត្រីជំនាញពាក់ព័ន្ធ ដើម្បីធានាឱ្យដំណើរការចុះពិនិត្យស្ថានភាពនៅតំបន់នេះប្រព្រឹត្តទៅដោយរលូន តម្លាភាព និងទទួលបានព័ត៌មានគ្រប់ជ្រុងជ្រោយ៕

ដោយ៖ AKP ប្រភព៖ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ