AKPបន្ទាយមានជ័យ ថ្ងៃទី២៣ខែ មិថុនាឆ្នាំ២០២៦--ការបង្ខិតសេវាសាធារណៈឱ្យកាន់តែជិតកៀកនឹងប្រជាពលរដ្ឋ និងការបើកចំហរទទួលយកមតិរិះគន់ ក៏ដូចជាកង្វល់នានាដើម្បីដោះស្រាយភ្លាមៗនៅមូល ដ្ឋាន នៅតែជាយន្តការដ៏មានប្រសិទ្ធភាពរបស់រាជរដ្ឋាភិបាល។ 

ស្តែងចេញពីគោលការណ៍នេះ កាលពីរសៀលថ្ងៃទី២២ ខែមិថុនា ឆ្នាំ២០២៦ ក្រុមការងាររាជរដ្ឋាភិបាលចុះមូលដ្ឋានក្រុងសិរីសោភ័ណ បានរៀបចំ «វេទិកា សាធារណៈ» មួយយ៉ាងខ្នាតធំនៅបរិវេណវត្តតាហី ស្ថិតក្នុងសង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ក្រោមអធិបតីភាពដ៏ខ្ពង់ខ្ពស់របស់ ឯកឧត្ដម អ៊ុំ រាត្រី អភិបា លនៃគណៈអភិបាលខេត្តបន្ទាយមា នជ័យ និងជាប្រធានក្រុមការងារ។

វេទិកានេះបានទាក់ទាញការចូលរួមយ៉ាងច្រើនកុះករពីសំណាក់អនុប្រធានក្រុមការងារចុះមូលដ្ឋានក្រុង ប្រធានក្រុមការងារចុះមូលដ្ឋានសង្កាត់ មេភូមិ ព្រមទាំងបងប្អូនប្រជាពលរដ្ឋនៅក្នុងមូលដ្ឋានប្រមាណជាង ២០០ នាក់ ដែលបានមកជួបជុំគ្នាដើម្បីឆ្លុះបញ្ចាំងពីតម្រូវការជាក់ស្តែង។

នៅក្នុងឱកាសនោះ លោក សឺ ហៀក ចៅសង្កាត់កំពង់ស្វាយ បានឡើងរាយការណ៍សង្ខេបអំពីស្ថានភាពភូមិសាស្ត្រ ដោយបញ្ជាក់ថា សង្កាត់កំពង់ស្វាយគឺជាតំបន់ទីប្រជុំជនដ៏សំខាន់មួយនៃក្រុងសិរីសោភ័ណ ដែលលាតសន្ធឹងតាមបណ្តោយផ្លូវជាតិលេខ៥៦ និងគ្រប់គ្រងភូមិចំនួន ០៩ (រួមមាន៖ ភូមិកំពង់ស្វាយ, ភូមិតារាងបាល់, ភូមិសូភី, ភូមិភ្នំកន្ទួត, ភូមិ២, ខ្លាកូនចាស់, ខ្លាកូនថ្មី, ភូមិពង្រ និងភូមិកងវ៉ា)។

លោកចៅសង្កាត់បានសង្កត់ធ្ងន់ថា ក្នុងនា មជាអាជ្ញាធរមូលដ្ឋាន សង្កាត់បានដើរតួនាទីយ៉ាងសកម្មប្រកបដោយទំនួលខុសត្រូវខ្ពស់ក្នុងការផ្តល់សេវារដ្ឋបាលជូនពលរដ្ឋ។ ផ្អែកលើសមិទ្ធផលជាក់ស្តែង បច្ចុប្បន្នសង្កាត់ទទួលបានការអភិវឌ្ឍគួរឱ្យកត់សម្គាល់ ជាពិសេសគឺផ្លូវបេតុងជាច្រើនខ្សែត្រូវបានស្ថាបនាឡើង ដែលជួយសម្រួលដល់ការធ្វើដំណើរ និងជីវភាពរស់នៅរបស់ពលរដ្ឋយ៉ាងខ្លាំង។

មានប្រសាសន៍សំណេះសំណាលទៅកាន់អង្គវេទិកា ឯកឧត្តម អ៊ុំ រាត្រីបានសម្តែងនូវការកោតសរសើរ និងវាយតម្លៃខ្ពស់ចំពោះក្រុមការងារគ្រប់លំដាប់ថ្នាក់ ដែលបានខិតខំបំពេញភារកិច្ចបម្រើប្រជាពលរដ្ឋដោយយកចិត្តទុកដាក់ និងមានលក្ខណៈ បុរេសកម្មពោលគឺការចុះទៅរកពលរដ្ឋមុនពេលពលរដ្ឋជួបបញ្ហា។ សកម្មភាពទាំងនេះ គឺដើរស្របតាមគោលការណ៍ណែនាំ និងកម្មវិធីនយោបាយរបស់រាជរដ្ឋាភិបាលកម្ពុជាយ៉ាងខ្ជាប់ខ្ជួន។  

ឯកឧត្តមអភិបាលខេត្ត បានលើកឡើងបន្ថែមអំពីយន្តការសំខាន់ៗថាការស ម្របសម្រួលសេវាអត្រានុកូលដ្ឋាន ក្រុម ការងារបានជំរុញយុទ្ធនាការកែតម្រូវទិន្នន័យសំបុត្រកំណើត និងឯកសារផ្សេងៗតាមយន្តការ «ច្រកចេញចូលតែមួយ» ដើម្បីកាត់បន្ថយភាពស្មុគ ស្មាញ និងចំណាយរបស់ពលរដ្ឋ។

ការបម្រើសេវាដោយស្នាមញញឹម ធានាឱ្យបាននូវការផ្តល់សេវារដ្ឋបាល សេវាសាធារណៈ សេវាសង្គម និងការគ្រប់ គ្រងបរិស្ថាន ប្រកបដោយភាពស្និទ្ធស្នា ល និងតម្លាភាព។

សន្តិសុខមូលដ្ឋាន បន្តរឹតបន្តឹងការអនុវត្តគោលនយោបាយ «ភូមិ ឃុំ សង្កាត់មានសុវត្ថិភាព» ស្របតាមរបៀបវារៈនៃកំណែទម្រង់វិមជ្ឈការ និងវិសហមជ្ឈការនៅរដ្ឋបាលថ្នាក់ក្រោមជាតិ។

ជាចុងក្រោយ អង្គវេទិកាបានគូសបញ្ជាក់ឡើងវិញនូវ គោលបំណងស្នូល នៃការរៀបចំវេទិកាសាធារណៈនេះឡើងពង្រឹងកិច្ចសហការ និងមនោសញ្ចេតនា បង្កើតឱកាសឱ្យថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ បានចុះជួបផ្ទាល់ ដឹងសុខទុក្ខ ក្តាប់ជាប់នូវរាល់កង្វល់ សំណើ និងសំណូមពរនានា ដើម្បីស្វែងរកដំណោះស្រាយសមស្រប និងទាន់ពេលវេលាជូនពលរដ្ឋ។

ផ្សព្វផ្សាយយុទ្ធសាស្ត្របញ្ចកោណ បញ្ជ្រាបការយល់ដឹងអំពីកម្មវិធីនយោបាយ យុទ្ធសាស្ត្របញ្ចកោណដំណាក់កាលទី១ និងសមិទ្ធផលធំៗរបស់រាជរដ្ឋាភិបាល ជូនដល់ប្រជាពលរដ្ឋនៅមូលដ្ឋាន ដើម្បីចូលរួមអនុវត្ត និងគាំទ្រការអភិវឌ្ឍជាតិទាំងអស់គ្នា។

វេទិកាសាធារណៈនេះ បានបញ្ចប់ទៅក្រោមបរិយាកាសរីករាយ យោគយល់ និងទទួលបានលទ្ធផលជាផ្លែផ្កា ដែលឆ្លុះបញ្ចាំងពីការយកចិត្តទុកដាក់ខ្ពស់របស់រាជរដ្ឋាភិបាលក្នុងការតម្កល់ផលប្រយោជន៍របស់ប្រជាពលរដ្ឋជាធំ៕

ដោយ៖ឈុនសារ៉ាត