AKPកំពង់ធំថ្ងៃទី២៣ខែមិថុនា ឆ្នាំ២០២៦--ឧត្តមសេនីយ៍ទោសោម ស៊ុនមេបញ្ជាការតំបន់ប្រតិបត្តិការសឹករង អនុប្រធានប្រចាំការនិងជាប្រធានលេខាធិការដ្ឋាននៃគណៈកម្មាធិការសមាគមអតីតយុទ្ធជននិងនីវិតជនកម្ពុជាខេត្តកំពង់ធំតំណាងឯកឧត្តមនួន ផារ័ត្នអភិបាល ខេត្ត ប្រធានគណៈកម្មាធិការសមាគមអតីតយុវជននិងនិវត្តយុវជនកម្ពុជាខេត្តកំពង់ធំរួមជាមួយបងប្អូនអតីតយុទ្ធជនដែលកំពុងរស់នៅមណ្ឌលអភិវឌ្ឍន៍អតីតយុទ្ធជនមរតកតេជោ-ធិ បតីថ្លុកព្រីង អំណោយដ៏ថ្លៃថ្លារបស់សម្តេចតេជោ-ធិបតីនៅឃុំក្រយា ស្រុកសន្ទុក ខេត្តកំពង់ធំបានអញ្ជើញគោរពវិញ្ញាណក្ខន្ធសពលោកអនុសេនីយ៍ឯក ម៉ែន សារឿន អាយុ៧១ឆ្នាំ ដែលបានទទួលមរណភាពដោយរោគាពាធកាលពីពេលថ្មីៗកន្លងទៅនេះនៅក្នុង​មណ្ឌល​អភិវឌ្ឍ​ន៍​អតីត​យុទ្ធ​ជន​មរតក​តេជោ-ធិប តីថ្លុក​ព្រីងស្ថិត​នៅ​ក្នុង​ឃុំ​ក្រយា​ ស្រុក​សន្ទុក​ ខេត្ត​កំពង់​ធំ​។

លោកអនុសេនីយ៍ទោ នួន ស៊ីថាល់ ក្រុមលេខាធិការដ្ឋានសមាគមអតីតយុទ្ធជន និងនិវត្តជនកម្ពុជា ខេត្ត បានឡើងអានសារលិខិតចូលរួមរំលែកទុក្ខ របស់សម្តេចតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ដោយគូសបញ្ជាក់អំពីប្រវត្តិស្នាដៃសំខាន់ៗរបស់លោកអនុសេនី យ៍ឯក ម៉ែន សារឿន ដែលធ្លាប់បានចូលបម្រើក្នុងជួរនគរបាលនៅឆ្នាំ១៩៨៥ នៅអង្គភាព អធិការដ្ឋាននគរបាលស្រុកសន្ទុក នៃស្នងការដ្ឋាននគរបាលខេត្តកំពង់ធំ ហើយត្រូវបានក្រសួងមហាផៃ្ទ ដាក់ឱ្យចូលនិវត្តន៍នៅឆ្នាំ២០១០ ។ 

ដោយកន្លងមកគាត់គ្មានដី គ្មានផ្ទះរស់នៅ ត្រូវបានសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងអាជ្ញាធរដែនដី និងគណ:កម្មាធិការសមាគមអតីតយុទ្ធជន និងនិវត្តជនកម្ពុជា ខេត្តកំពង់ធំ តាម​រយៈ​ឯកឧត្តម​ទេសរដ្ឋមន្រ្តី​នាយ​ឧត្ដមសេនីយ៍​គន់​ គីម​ អនុប្រធាន​ប្រចាំ​ការ​ និង​ជា​អគ្គលេខាធិការ​ដ្ឋាន​ សមាគម​អតីត​យុទ្ធ​ជន​ និង​និវត្តន៍​ជន​កម្ពុជា​ ប្រគល់ដីសម្បទានសង្គមកិច្ចជូនគាត់១ហិកតាកន្លះ និងផ្ទះ១ខ្នង ដើម្បីរស់នៅកសាងជីវភាពថ្មី ។ 

ឧត្ដមសេនីយ៍ទោ សោម ស៊ុន បានថ្លែងនូវការសោកស្ដាយអាឡោះអាល័យជាទីបំផុតចំពោះការបាត់បង់លោកអនុ សេនីយ៍ឯក ម៉ែន សារឿន ដែលជាអតីតយុទ្ធជន ធ្លាប់មានគុណបំណាច់ចំពោះជាតិ មាតុភូមិនិងបានសូមគោរពបួងសួងដល់វិញ្ញាណក្ខន្ធគាត់ ឱ្យបានទៅកាន់សុគតិភពកុំបីឃ្លៀងឃ្លាតឡើយ។

ឧត្ដមសេនីយ៍ទោ សោម ស៊ុន បានបញ្ជាក់ថា អតីតយុទ្ធជន ដែលបានមករស់នៅមណ្ឌលអភិវឌ្ឍន៍អតីតយុទ្ធជន មរតកតេជោ-ធិបតីថ្លុកព្រីង នៅឃុំក្រយា ស្រុកសន្ទុក ខេត្តកំពង់ធំនេះមានចំនួន ២០៦គ្រួសារ មានរយៈពេល ៥ឆ្នាំកន្លងមកហើយ ។ ហើយបងប្អូនអតីតយុទ្ធជនយើង ដោយសារមានជំងឺប្រចាំកាយ និងរបួសសើរើបានទទួលមរណ ភាពអស់ចំនួន ២០នាក់ រួចមកហើយ ។ 

ក្នុងឱកាសនោះឧត្តមសេនីយ៍ទោ សោម ស៊ុន ព្រមទាំងសហការី បាននាំយកថវិកាបេឡាមរណសង្គ្រោះ ចំនួន ៤លានរៀល របស់គណៈកម្មាធិការសមាគមអតីតយុទ្ធជន និងនិវត្តជនកម្ពុជា និងអំណោយមនុស្សធម៌របស់សម្តេចមហាបវរធិបតី ហ៊ុន ម៉ាណែតនិងលោកជំទាវ ប្រគល់ជូនក្រុមគ្រួសារសពផងដែរ៕

ដោយ៖ ស៊ុម វណ្ណា