AKP សៀមរាប ថ្ងៃទី០៩ ខែមិថុនា ឆ្នាំ ២០២៦ -- យោងតាមរបាយការណ៍របស់នាយកដ្ឋាន គ្រប់គ្រងទឹក ព្រៃឈើ និងហេដ្ឋារចនាសម្ព័ន្ធនៃអាជ្ញាធរជាតិអប្សរា បានឱ្យដឹងនារសៀលថ្ងៃ ៩រោច ខែជេស្ឋ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី០៩ ខែមិថុនា ឆ្នាំ២០២៦ នេះថា រយៈពេល ៨ថ្ងៃដើមខែមិថុនា ឆ្នាំ២០២៦ នេះ អាជ្ញាធរជាតិអប្សរាបានផ្តល់ជូនកូនឈើចម្រុះចំនួន ១២.៣៧៥ដើមជូនដល់ស្ថាប័នរដ្ឋ ឯកជន និងប្រជាពលរដ្ឋដោយឥតគិតថ្លៃ។
កូនឈើដែលបានប្រគល់ជូនទាំងនោះរួមមាន ប្រភេទកូនឈើទាល (ដើមយាង) គគីរ ច្រេស បេង ធ្នង់ គ្រញូង ក្ងោក ចាមរី អំពិល លឿងរាជ ឥន្ទនេល រំដួល រំដេញ និងដើមប្រាំតម្លឹង។ រីឯអង្គភាពដែលត្រូវបានប្រគល់កូនឈើទាំងនោះជូនរួមមាន តំណាងអាជ្ញាធរជាតិសំបូរព្រៃគុហ៍ តំណាងកងឯកភាពកំចាត់មីនទី៦ នៃមជ្ឈមណ្ឌលសកម្មភាពកំចាត់មីនកម្ពុជា តំណាងក្រុមហ៊ុន ស៊ីនទ្រី (ខេមបូឌា) សាខាខេត្តសៀមរាប ប្រជាពលរដ្ឋរស់នៅក្រុងរុនតាឯកតេជោសែន តំណាងសណ្ឋាគារ Park Hyatt Siem Reap តំណាងក្រសួងយុត្តិធម៌ និងដាំនៅតាមទីតាំងនានាក្នុងបរិវេណរមណីយដ្ឋានអង្គរ៕

ដោយ៖ ហង្ស សៀក