AKP ភ្នំពេញ ថ្ងៃទី០៩ ខែមិថុនា ឆ្នាំ២០២៦ -- ឯកឧត្តម ធូ ស៊ុន រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី០៩ ខែមិថុនា ឆ្នាំ២០២៦ នេះ បានដឹកនាំមន្ត្រីជំនាញចុះទស្សនកិច្ច និងពិនិត្យស្ថានភាពអនីតិជនជាក្មេងទំនើងដែលបានផ្ទេរពីមណ្ឌលអប់រំកែប្រែ និងពន្ធនាគាររាជធានី-ខេត្ត មកមណ្ឌលអប់រំកែប្រែទី៤ ក្នុងខេត្តពោធិ៍សាត់។

ឯកឧត្តម ធូ ស៊ុន បានលើកឡើងថា ដដំណេីរទស្សនកិច្ចនេះរៀបចំឡើងក្នុងគោលបំណងដើម្បីពិនិត្យស្ថានភាពអនីតិជនទំនាស់នឹងច្បាប់ដែលបានផ្ទេរពីមណ្ឌលអប់រំកែប្រែ និងពន្ធនាគារររាជធានី-ខេត្ត មកមណ្ឌលអប់រំកែប្រែទី៤ ក្នុងការចូលរួមអនុវត្តការងារគាំទ្រដល់សមរភូមិជួរមុខ ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចមហាបវរធិបតីនាយករដ្ឋមន្ត្រី នៃព្រះរាជាណាចក្រកម្ពុជា ជាពិសេសការគិតគូរអំពីឧត្តមប្រយោជន៍ និងសិក្សាស្វែងយល់ពីបញ្ហាប្រឈម និងតម្រូវការចាំបាច់នានាចំពោះមុខរបស់អនីតិជនទំនាស់នឹងច្បាប់។

ក្នុងឱកាសនោះ ក៏មានការចូលរួមពីឯកឧត្តម តាំ សារឿន អនុរដ្ឋលេខាធិការ ឯកឧត្តម សន សុផល អគ្គនាយក នៃអគ្គនាយកដ្ឋានស្ដារសម្បទា លោកប្រធាននាយកដ្ឋានស្ដារនីតិសម្បទាអនីតិជន ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តពោធិ៍សាត់ លោកអនុប្រធានមណ្ឌលយុវនីតិសម្បទា និងមន្ត្រីជំនាញផងដែរ៕

ដោយ៖ ណយ នឿន (ប្រភព៖ ក្រសួងសង្គមកិច្ច អតីតយុទ្ធជន និងយុវនីតិសម្បទា)