AKP ទីក្រុង Ningbo ប្រទេសចិន, ថ្ងៃទី ២៩ ខែមេសា ឆ្នាំ២០២៦-- 

គណៈកម្មការមិត្តភាព កិច្ចសហប្រតិបត្តិការ និងអ្នកជិតខាងល្អនៃអង្គការ SCO ក្រសួងបរិស្ថាន និងអេកូឡូស៊ីនៃប្រទេសចិន និងរដ្ឋបាលខេត្ត Zhejiang បានរៀបចំ "វេទិកាអង្គការសហប្រតិបត្តិការសៀងហៃ (SCO) ឆ្នាំ២០២៦ ស្តីពីការអភិវឌ្ឍន៍បៃតង និងចីរភាព" ចាប់ពីថ្ងៃទី២៨ ដល់ថ្ងៃទី៣០ ខែមេសា ឆ្នាំ២០២៦ ដែលជាការជួបជុំអន្តរជាតិដ៏សំខាន់មួយ ផ្តោតលើការជំរុញកំណើនបៃតង និងកិច្ចសហប្រតិបត្តិការក្នុងតំបន់។ កម្មវិធីដ៏មានសារៈសំខាន់នេះ មានការចូលរួមពីប្រតិភូជាង ៣០០ នាក់ រួមមានមន្ត្រីមកពីប្រទេសជាសមាជិកអង្គការ SCO, អាជ្ញាធរបរិស្ថាន, អ្នកការទូត, តំណាងអង្គការអន្តរជាតិ, ថ្នាក់ដឹកនាំធុរកិច្ច, អ្នកវិទ្យាសាស្រ្ត និងប្រព័ន្ធផ្សព្វផ្សាយ។

វេទិកាអង្គការសហប្រតិបត្តិការសៀងហៃ (SCO) ស្តីពី ការអភិវឌ្ឍន៍បៃតង និងចីរភាពដើរតួនាទីយ៉ាងសំខាន់ក្នុងការជំរុញកិច្ចសហប្រតិបត្តិការជាក់ស្តែងលើការអភិវឌ្ឍបៃតង និងការពន្លឿនការផ្លាស់ប្តូរទៅរកការបញ្ចេញកាបូនទាបនៅទូទាំងតំបន់។ ចំពោះសកម្មភាពសំខាន់ៗផ្តោតលើ កិច្ចសហប្រតិបត្តិការបៃតងសម្រាប់ចីរភាពសកល, ការការពារជីវចម្រុះតាមរយៈអភិបាលកិច្ចបរិយាបន្ន និង នវានុវត្តន៍បច្ចេកវិទ្យាសម្រាប់ការផ្លាស់ប្តូរបៃតង។ ជាងនេះទៅទៀត ការពិភាក្សានឹងគ្របដណ្តប់លើប្រធានបទដូចជា អភិបាលកិច្ចអាកាសធាតុ, ការកាត់បន្ថយកាបូនក្នុងវិស័យឧស្សាហកម្ម, គោលនយោបាយអេកូឡូស៊ី និងការផ្លាស់ប្តូរថាមពលដែលជំរុញដោយបច្ចេកវិទ្យាបៃតង។

សូមបញ្ជាក់ថា "គំនិតផ្តួចផ្តើមទីក្រុង Ningbo សម្រាប់កិច្ចសហប្រតិបត្តិការអភិវឌ្ឍន៍ប្រកបដោយចីរភាពនៃអង្គការ SCO នឹងត្រូវដាក់ចេញដើម្បីកសាងការឯកភាពគ្នាឱ្យកាន់តែទូលំទូលាយ៕

ដោយ៖ ទូច វលក័្ខណ