AKP កំពង់ធំ ថ្ងៃទី១០ ខែមេសា ឆ្នាំ២០២៦ -- ឧត្ដមសេនីយ៍ ទោ សោម ស៊ុន មេបញ្ជាការ តំបន់ ប្រតិបត្តិការ សឹក រង រួម ជាមួយ ថ្នាក់ ដឹកនាំ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ នាព្រឹកថ្ងៃទី១០ ខែមេសា ឆ្នាំ២០២៦ នេះ បាន អញ្ជើញជួបសំណេះ សំណាល សាក សួរ សុខទុក្ខ ឧបត្ថម្ភ ស្បៀង អាហារ គ្រឿង ឧបភោគ បរិភោគ និង ថវិកា មួយ ចំនួន ជូន ដល់ ចាស់ ជរា គ្មាន ទីពឹង និង ក្រុម គ្រួសារ អតីត យុទ្ធ ជន ដែល មាន ជីវភាព លំបាក ខ្វះ ខាតចំនួន ៩ គ្រួសាររស់ នៅ ជុំវិញ ទីតាំងបន្ទាយ។

ឧត្ដមសេនីយ៍ ទោ សោម ស៊ុន បានថ្លែងថា ជា រៀងរាល់ ឆ្នាំ ថ្នាក់ ដឹក នាំ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ តែងតែ រៀបចំ ពិធី សំណេះសំណាល សាក សួរ សុខទុក្ខ និង ឧបត្ថម្ភ អំណោយ មនុស្សធម៌ជូន ដល់ ចាស់ ជរា គ្មាន ទីពឹង និង ក្រុម គ្រួសារ អតីត យុទ្ធ ជន ដែល មាន ជីវភាព លំបាក ខ្វះ ខាត រស់ នៅ ជុំវិញ ទីតាំង បន្ទាយ ដោយ បាន ផ្សារភ្ជាប់ នូវ មនោសញ្ចេតនា កងទ័ព ជាកូន ចៅ របស់ ប្រជាជន អ្វី ៗគ្រប់យ៉ាងដេីម្បីប្រជាជន និនិងបាន ជូនពរក្នុងឱកាស ឆ្នាំ ថ្មី ឆ្នាំ មមី អដ្ឋស័ក ពុទ្ធ សករាជ ២៥៧០ ដែល នឹង ឈាន ចូល មក ដល់ នៅ ពេល ដ៍ ខ្លី ខាងមុខ នេះ សូមចូល មាន ដល់ លោក យាយ លោក តា គ្រប់ ៗរូប សូមទទួល បាន នូវ សេចក្ដី សុខ សេចក្ដី ចម្រើន សុខ ភាព ល្អ អាយុយឺនយូរ និង ពុទ្ធ ពរ ទាំង បួន ប្រការ កុំបី ឃ្លៀង ឃ្លាត ឡើយ ។

នៅ ក្នង ឱកាស នេះ ឧត្តមសេនីយ៍ ទោ សោម ស៊ុន និងថ្នាក់ដឹកនាំ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ បាន ប្រគល់ ជូន ក្រុម គ្រួសារ អតីត យុទ្ធ ជន និង លោកយា យ លោក តា ដែល មាន ជីវភាព លំបាក ខ្វះ ទាំង ៩ គ្រួសារ ដោយ ក្នដោយក្នុងមួយគ្រួសារៗទទួលបានអង្ករចំនួន ២៥ គីឡូក្រាម មីជាតិ ០១កេស ទឹកត្រី ទឹក សុីអុីវ ០២យួរ ត្រី ខកំប៉ុង ០១យួរ ទឹកពិសារបរិសុទ្ធ ០២យួរ និង ថវិកា មួយ ចំនួន ផងដែរ ។ 

លោកយា យ លោក តា និង ក្រុម គ្រួសារ អតីត យុទ្ធ ជន ដែល មាន ជីវភាព លំបាក ខ្វះ ខាត រំភើបចិត្ត រកអ្វី ប្រៀបផ្ទឹម ពុំបាន ឡើយ ចំពោះ ទឹក ចិត្ត មនុស្ស ធម៌ របស់ មេបញ្ជាការ តំបន់ ប្រតិបត្តិការ សឹក រងកំពង់ធំ និង សូម គោរព ថ្លែង អំណរគុណ ដ៍ ជ្រាលជ្រៅ ជាទី បំផុត ចំពោះ ការ ជួយ ឧបត្ថម្ភ ដល់ គាត់ ដែល កំពុង មាន ការខ្វះខាត នៅពេលនេះ និង សូម បួងសួង ដល់ ទេវតា ឆ្នាំ ថ្មី សូម ជួយ បីបាច់ ថែរក្សា ឯកឧត្តម លោក លោក ស្រី ទាំង អស់ ព្រម ទាំង ក្រុម គ្រួសារ សូម ទទួល បាន នូវ សេចក្ដី សុខ សេចក្ដី ចម្រើននិង ជោគជ័យ គ្រប់ ភារកិច្ច ៕

ដោយ៖ ស៊ុម វណ្ណា