AKP ភ្នំពេញ ថ្ងៃទី០៩ ខែមេសា ឆ្នាំ២០២៦ -- អ្នកនាំពាក្យក្រសួងការបរទេសចិន លោកស្រី ម៉ៅ នីង (Mao Ning) បានមានប្រសាសន៍កាលពីថ្ងៃពុធថា តំណាងមកពីប្រទេសចិន អាហ្វហ្គានីស្ថាន និងប៉ាគីស្ថានបានរៀបចំកិច្ចប្រជុំក្រៅផ្លូវការមួយ ចាប់ពីថ្ងៃទី១ ដល់ថ្ងៃទី៧ ខែមេសានៅក្នុងទីក្រុងអ៊ូរ៉ុមឈី តំបន់ស្វយ័តស៊ីនជាំងអ៊ុយហ្គឺរ ភាគពាយ័ព្យប្រទេសចិន។

លោកស្រី ម៉ៅ បានប្រាប់សន្និសីទសារព័ត៌មានជាប្រចាំថា សមាជិកនៃគណៈប្រតិភូទាំងបី មកពីក្រសួងការបរទេស ក្រសួងការពារជាតិ និងក្រសួងសន្តិសុខនៃប្រទេសរបស់ពួកគេ។

លោកស្រី ម៉ៅ បាននិយាយថា ភាគីទាំងបីបានពិភាក្សាដោយស្មោះត្រង់ និងជាក់ស្តែង ក្នុងបរិយាកាសយ៉ាងល្អ ដោយអនុវត្តន៍តាមវិធីសាស្រ្តផ្តោតលើបញ្ហា ផ្តោតលើលទ្ធផល និងជំរុញសកម្មភាព៕

ដោយ៖ មូល មិនា (ប្រភព៖ ភីបផលដេលី)