AKP ភ្នំពេញ ថ្ងៃទី០៨ ខែមេសា ឆ្នាំ២០២៦ -- ការបោះឆ្នោតនីតិបញ្ញត្តិរបស់ប្រទេសអាល់ហ្សេរីនឹងត្រូវធ្វើឡើងនៅថ្ងៃទី២ ខែកក្កដា។ នេះបើយោងតាមការប្រកាសរបស់អាជ្ញាធររៀបចំការបោះឆ្នោតឯករាជ្យជាតិកាលពីថ្ងៃចន្ទ ខណៈដែលខ្លួនបានចេញផ្សាយក្របខ័ណ្ឌបទប្បញ្ញត្តិសម្រាប់បញ្ជីបេក្ខជន។

យោងតាមអាជ្ញាធររៀបចំការបោះឆ្នោតបានឱ្យដឹងថាយ៉ាងហោចណាស់មួយភាគបីនៃបេក្ខជនត្រូវតែជាស្ត្រីពាក់កណ្តាលត្រូវតែមានអាយុក្រោម ៤០ឆ្នាំ និងមួយភាគបីត្រូវតែមានសញ្ញាបត្រសាកលវិទ្យាល័យ។

អាជ្ញាធរក៏បានចែងផងដែរថា ចំនួនបេក្ខជននៅក្នុងបញ្ជីនីមួយៗត្រូវតែលើសពីចំនួនអាសនៈដែលត្រូវបំពេញនៅក្នុងមណ្ឌលបោះឆ្នោត។ នេះតម្រូវឱ្យមានលើសពីប្រាំពីរនៅពេលដែលចំនួនអាសនៈជាសេស និងប្រាំមួយនៅពេលដែលចំនួនអាសនៈជាគូ។

អាជ្ញាធរបាននិយាយថា គណបក្សនយោបាយដែលបរាជ័យក្នុងការទទួលបានសំឡេងឆ្នោតលើសពី ៤% នៅក្នុងការបោះឆ្នោតនីតិបញ្ញត្តិចុងក្រោយ ឬខ្វះតំណាងជាប់ឆ្នោតយ៉ាងហោចណាស់ ១០រូបនៅក្នុងមណ្ឌលបោះឆ្នោត ត្រូវតែប្រមូលហត្ថលេខាអ្នកបោះឆ្នោតចំនួន ១៥០រូបក្នុងមួយអាសនៈ។

បេក្ខជនឯករាជ្យប្រឈមមុខនឹងតម្រូវការដូចគ្នា ខណៈពេលដែលបញ្ជីគណបក្សនៅបរទេសត្រូវការហត្ថលេខាចំនួន ១០០ក្នុងមួយអាសនៈ៕

ដោយ៖ មូល មិនា (ប្រភព៖ ភីបផលដេលី)