AKP ភ្នំពេញ ថ្ងៃទី០៧ ខែមេសា ឆ្នាំ២០២៦ -- មន្ត្រីសេតវិមានម្នាក់បាននិយាយថា បទឈប់បាញ់រយៈពេល ៤៥ថ្ងៃដែលបានស្នើឡើងរវាងសហរដ្ឋអាមេរិក និងអ៊ីរ៉ង់ គឺជា «គំនិតមួយក្នុងចំណោមគំនិតជាច្រើន» ដែលកំពុងស្ថិតក្នុងការពិភាក្សា។ នេះបើយោងតាមអ្នកសារព័ត៌មានរបស់ទីភ្នាក់ងារសារព័ត៌មាន Axios។

លោក បារ៉ាក់ រ៉ាវីដ (Barak Ravid) បាននិយាយនៅលើប្រព័ន្ធផ្សព្វផ្សាយសង្គមអ៊ិចរបស់សហរដ្ឋអាមេរិកថា មន្ត្រីរូបនេះបានប្រាប់លោកថា «ប្រធានាធិបតី (លោក ដូណាល់ ត្រាំ) មិនទាន់បានចុះហត្ថលេខាលើវានៅឡើយទេ។ ប្រតិបត្តិការ Epic Fury នៅតែបន្ត»។

លោកបានបន្ថែមថា លោក ត្រាំ នឹងផ្តល់ព័ត៌មានលម្អិតបន្ថែមក្នុងអំឡុងពេលសន្និសីទសារព័ត៌មានមួយនៅទីក្រុងវ៉ាស៊ីនតោននៅវេលាម៉ោង ០១:០០នាទីរសៀល (ម៉ោង ១៧:០០ GMT) នៅថ្ងៃព្រហស្បតិ៍។

ការកត់សម្គាល់របស់លោក រ៉ាវីដ ខាងលើនេះ បានធ្វើឡើងនៅប៉ុន្មានម៉ោងបន្ទាប់ពីមានការរាយការណ៍បានបង្ហាញថា សំណើបទឈប់បាញ់រយៈពេល ៤៥ថ្ងៃត្រូវបានដាក់ចេញរួចហើយ៕

ដោយ៖ យា ចិន្ដាខន្ដី (ប្រភព៖ AA-AKP)