AKP ព្រះវិហារ ថ្ងៃទី០៦ ខែមេសាឆ្នាំ២០២៦--លោក ខូយ ឃុនហ៊រ សមាជិកក្រុមប្រឹ ក្សាខេត្តនិងលោកជំទាវ ខូយ ប៊ុនថាន ប្រធានគណកម្មាធិការពិគ្រោះយោបល់កិច្ចការស្ត្រី និងកុមារខេត្តព្រះវិហារ បានដឹកនាំក្រុមការងារ ចុះសួរសុខទុក្ខ និងនាំយកអំណោយសប្បុរសធម៌ជូនដល់វីរកងទ័ពដែលកំពុងឈរជើងនៅសមរភូមិមុខ ក្នុងភូមិសាស្ត្រខេត្តព្រះវិហារ កាល ពីថ្ងៃទី០៥ ខែមេសាឆ្នាំ២០២៦ ។ 

លោក ខូយ ឃុនហ៊រ បានលើកឡើងថា អំណោយដែលបាននាំយកមកចែកជូននាពេលនេះ មានអាហារចំអិនស្រាប់ដូចជានំបញ្ចុកនំបុ័ងសម្លការីនិងសម្លខ្មែរព្រមទាំងគ្រឿងឧបភោគបរិភោគ ឱសថ បន្លែបង្ការចម្រុះនិងទឹកបរិសុទ្ធជាច្រើនកេះ ដែលបានពីការចូលរួមផ្ទាល់ពីសំណាក់ឯកឧត្តមនិងលោកជំទាវនិងសមាជិកគណៈកម្មាធិការព្រមទាំងមានការចូលរួមពីលោកស្រីប្រធានមន្ទីរព័ត៌មាននិងមន្ទីរផែនការខេត្តដើម្បីជួយសម្រាលបន្ទុកនិងជាការលើកទឹកចិត្តដោយវីរៈកងទ័ពដែលបានលះបង់កម្លាំងកាយចិនការពារដែនអធិបតេយ្យភាពនិងបូរណភាពទឹកដី ។ 

លោកបានបញ្ជាក់ថា ទោះបីស្ថិតក្នុងកាលៈទេសៈបែបណាក៏ដោយពួកយើងដែលជាសមរភូមិក្រោយត្រូវតែពុះពារនិងផ្សារភ្ជាប់ជានិច្ចជាមួយបងប្អូនវីរៈកងទ័ពទាំងអស់ដែលនៅក្នុងសមរភូមិមុខ ៕

ដោយ៖ ទិត ស្រ៊