AKP ភ្នំពេញ ថ្ងៃទី០២ ខែមេសា ឆ្នាំ២០២៦ -- ប្រធានាធិបតីហ្គាណាលោក ចន ដ្រាម៉ានី ម៉ាហាម៉ា (John Dramani Mahama) បានមានប្រសាសន៍ថា ប្រទេសហ្គាណាត្រៀមខ្លួនរួចជាស្រេចដើម្បីធ្វើការជាមួយប្រទេសចិន ដើម្បីជំរុញទំនាក់ទំនងទ្វេភាគីបន្ថែមទៀត។

លោក ម៉ាហាម៉ា បានធ្វើការកត់សម្គាល់នេះ ខណៈពេលកំពុងទទួលលិខិតតែងតាំងពីលោក កុង សុង (Cong Song) ឯកអគ្គរដ្ឋទូតចិនដែលទើបតែងតាំងថ្មីប្រចាំប្រទេសហ្គាណា។

ដោយអបអរសាទរលោក កុង ចំពោះការតែងតាំងរបស់លោក លោកម៉ាហាម៉ា បានបញ្ជាក់ជាថ្មីអំពីចំណងមិត្តភាពប្រវត្តិសាស្ត្រដ៏រឹងមាំរវាងប្រទេសហ្គាណា និងប្រទេសចិន ដោយលោកបានកត់សម្គាល់ថា កិច្ចប្រជុំកាលពីឆ្នាំមុនរវាងប្រមុខរដ្ឋទាំងពីរនៅទីក្រុងប៉េកាំង ប្រទេសចិនបានផ្តល់លទ្ធផលផ្លែផ្កា។

ចំពោះលោក កុង បានគូសបញ្ជាក់ពីមិត្តភាពយូរអង្វែងរវាងប្រទេសចិននិងហ្គាណា ដោយលោកបានសង្កត់ធ្ងន់លើការជឿទុកចិត្តគ្នាទៅវិញទៅមកខាងនយោបាយកាន់តែស៊ីជម្រៅ និងលទ្ធផលផ្លែផ្កាក្នុងកិច្ចសហប្រតិបត្តិការជាក់ស្តែងលើវិស័យផ្សេងៗ។

លោកបានបន្ថែមថា ប្រទេសចិនយកចិត្តទុកដាក់យ៉ាងខ្លាំងចំពោះទំនាក់ទំនងរបស់ខ្លួនជាមួយប្រទេសហ្គាណា ហើយត្រៀមខ្លួនរួចជាស្រេចដើម្បីទាញយកអត្ថប្រយោជន៍ពីលទ្ធផលនៃវេទិកាស្តីពីកិច្ចសហប្រតិបត្តិការចិន-អាហ្វ្រិក ក៏ដូចជាការឯកភាពគ្នាដ៏សំខាន់ដែលសម្រេចបានដោយប្រមុខរដ្ឋទាំងពីរ ដើម្បីសម្រេចបាននូវវឌ្ឍនភាពបន្ថែមទៀតនៅក្នុងភាពជាដៃគូយុទ្ធសាស្ត្រចិន-ហ្គាណា ដោយផ្តល់អត្ថប្រយោជន៍កាន់តែច្រើនដល់ប្រទេសទាំងពីរ និងប្រជាជនរបស់ពួកគេ៕

ដោយ៖ មូល មិនា (ប្រភព៖ ភីបផលដេលី)