AKP ភ្នំពេញ ថ្ងៃទី០១ ខែមេសា ឆ្នាំ២០២៦--នៅបញ្ជាការដ្ឋានបញ្ជូនសារ បានរៀបចំកិច្ចប្រជុំបូកសរុបលទ្ធផលការងារជំនាញបញ្ជូនសារ ឆ្នាំ២០២៥ និងទិសដៅឆ្នាំ២០២៦ ក្រោមអធិបតីភាពឧត្តមសេនីយ៍ត្រី  ព្រហ្ម ធារិទ្ធ មេបញ្ជាការបញ្ជាការដ្ឋានបញ្ជូនសារនា ថ្ងៃទី៣១ ខែមីនា ឆ្នាំ២០២៦។

ឧត្តមសេនីយ៍ត្រី ព្រហ្ម ធារិទ្ធ មេបញ្ជាការ បានត្រើនរំលឹកដល់យោធិនក្រោមឧ៌វាទ ទាំងអស់ ត្រូវគោរពនិងអនុវត្តឲ្យបានមុឺងម៉ាត់នូវបទបញ្ជា វិន័យសណ្តាប់ធ្នាប់ តួនាទី ភារកិច្ច របស់កងយោធពលខេមរភូមិន្ទ ។ ចូលរួមកសាងអង្គភាពរឹងមាំគ្រប់វិស័យ ពិសេសនាយទាហានវ័យក្មេងត្រូវប្រឹងប្រែងរៀនសូត្របន្ថែម បំពេញចំនេះ ជំនាញ ដើម្បីប្រសិទ្ធភាពការងារដែលថ្នាក់លើប្រគល់ឱ្យ។

ឧត្តមសេនីយ៍ត្រី ព្រហ្ម ធារិទ្ធ បានកោតសរសើរ និងវាយតម្លៃខ្ពស់ចំពោះនាយទាហាន ពលទាហាន ទាងអស់ដែលខិតខំយកចិត្តទុកដាក់បំពេញភារកិច្ចបានល្អ ដោយមានការទទួលខុសត្រូវខ្ពស់ ។

ឧត្តមសេនីយ៍ត្រី មេបញ្ជាការ បានប្រគល់ភាកិច្ចសំខាន់ៗមួយចំនួនជូនដល់អង្គភាពចំណុះ ត្រូវបន្តអនុវត្តយ៉ាងមុឺងម៉ាត់តាមផែនការអនុវត្តបន្តសំរាប់ឆ្នាំ២០២៦ របស់បញ្ជាការដ្ឋានកងទ័ពជើងគោកដែលបានដាក់ឱ្យអនុវត្ត ឱ្យមានប្រសិទ្ធភាព ។ 

ជាមួយនោះដែរ យោធិនគ្រប់រូបត្រូវស្មោះត្រង់ដាច់ខាត ចំពោះជាតិ សាសនា និងព្រះមហាក្សត្រ ក្រោមការដឹកនាំប្រកបដោយគតិបណ្ឌិត របស់សម្តេចមហាបរវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា៕

ដោយ សំ សាម៉ន (ប្រភព៖ បញ្ជាការដ្ឋានកងទ័ពជើងគោក)