AKP ភ្នំពេញ ថ្ងៃទី០១ ខែមេសា ឆ្នាំ២០២៦ -- រុស្ស៊ីកំពុងអំពាវនាវដល់សហសេវិកអាម៉េរិករបស់ខ្លួនឱ្យបំពេញតាមអ្វីដែលប្រទេសនានាបានព្រមព្រៀងគ្នានៅទីក្រុង Anchorage រដ្ឋអាឡាស្កា។ នេះបើយោងតាមជំនួយការវិមានក្រឹមឡាំង លោក យូរី យូស្សាកូវ (Yury Ushakov)។

នៅពេលដែលត្រូវបានសួរថា ហេតុអ្វីបានជាសហរដ្ឋអាមេរិកមិនអាចទាមទារឱ្យទីក្រុងគៀវបំពេញកិច្ចព្រមព្រៀងដែលសម្រេចបានក្នុងអំឡុងពេលកិច្ចប្រជុំកំពូលនៅអាឡាស្កា លោក យូស្សាកូវ បានប្រាប់អ្នកកាសែតរុស្ស៊ីនៅក្នុងបទសម្ភាសន៍មួយកាលពីថ្ងៃអាទិត្យថា «អ្នកដឹងទេខ្ញុំប្រហែលជាកំពុងបង្ហាញអាថ៌កំបាំងមួយ ប៉ុន្តែនោះជាអ្វីដែលយើងកំពុងអំពាវនាវដល់សហសេវិកអាម៉េរិករបស់យើងឱ្យធ្វើ។ នេះជាអ្វីដែលត្រូវការឥឡូវនេះ»។

លោក យូស្សាកូវ បានបន្ថែមថា សហរដ្ឋអាមេរិកពិតជាអាចដាក់សម្ពាធ និងមានឥទ្ធិពលលើអ៊ុយក្រែន។

លោកក៏បាននិយាយផងដែរថា នៅក្នុងទំនាក់ទំនងជាមួយដៃគូបរទេសរុស្ស៊ីដំណើរការលើគោលការណ៍ជឿទុកចិត្ត ប៉ុន្តែត្រូវផ្ទៀងផ្ទាត់៕

ដោយ៖ យា ចិន្ដាខន្ដី (ប្រភព៖ ស្ពុតនីក)