AKP ភ្នំពេញ ថ្ងៃទី០១ ខែមេសា ឆ្នាំ២០២៦ -- ប្រទេសចិន និងប៉ាគីស្ថានបានដាក់ចេញនូវសំណើចំនួន ៥ស្តីពីការស្តារសន្តិភាព និងស្ថិរភាពនៅក្នុងតំបន់ជាប់ឈូងសមុទ្រ និងមជ្ឈិមបូព៌ា ក្នុងអំឡុងពេលនៃកិច្ចពិភាក្សារវាងរដ្ឋមន្ត្រីការបរទេសចិន លោក វ៉ាង យី (Wang Yi) និងឧបនាយករដ្ឋមន្ត្រីនិងរដ្ឋមន្ត្រីការបរទេសប៉ាគីស្ថាន លោក ម៉ូហាម៉ាដ អ៊ីសាក ដារ(Mohammad Ishaq Dar) នៅទីក្រុងប៉េកាំង កាលពីថ្ងៃអង្គារ។

សំណើទាំងនេះគឺបញ្ឈប់អរិភាពភ្លាមៗ ដោយចាប់ផ្តើមកិច្ចពិភាក្សាសន្តិភាពឱ្យបានឆាប់តាមដែលអាចធ្វើទៅបាន ធានាសុវត្ថិភាពនៃគោលដៅមិនមែនយោធា ធានាសុវត្ថិភាពនៃការធ្វើនាវាចរណ៍ និងការពារអាទិភាពនៃធម្មនុញ្ញអង្គការសហប្រជាជាតិ៕

ដោយ៖ មូល មិនា (ប្រភព៖ ភីបផលដេលី)