AKP ភ្នំពេញ ថ្ងៃទី១៩ ខែមករា ឆ្នាំ ២០២៦--
ក្នុងការបន្តសិក្សាស្រាវជ្រាវលើ ការកសាងសេចក្តីព្រាងច្បាប់ និងលិខិតបទដ្ឋានគិតយុត្តនានា សម្រាប់គ្រប់គ្រង និងអភិវឌ្ឍន៍លើវិស័យព័ត៌មាន និងសោតទស្សន៍ និងការរៀបចំផែនការយុទ្ធសាស្រ្តការធ្វើបរិវត្តកម្មឌីជីថល របស់អង្គភាពចំណុះក្រសួងជារឿងសំខាន់ចំាបាច់ចំពោះមុខ។ នេះគឺជាលើកឡើងរបស់ឯកឧត្តម ផុស សុវណ្ណ អគ្គនាយក នៃអគ្គនាយកដ្ឋានព័ត៌មាន និងសោតទស្សន៍ដែលបានធ្វើបទបង្ហាញក្នុងពិធីបើកសន្និបាតបូកសរុបលទ្ធផលការងារឆ្នាំ២០២៥និងលើកទិសដៅ ការងារឆ្នាំ២០២៦ របស់ក្រសួងព័ត៌មាន ក្រោមមូលបទ៖" ការពង្រឹងប្រសិទ្ធភាព និងាមត្ថភាពស្ថាប័ន  ក្រោមរចនាសម្ព័ន្ធ មុខងារ និងភារកិច្ចថ្មី" នារសៀលថ្ងៃទី១៩ ខែមករា ឆ្នាំ២០២៦ នៅទីស្តីការក្រសួងព័ត៌មាន។
ឯកឧត្តម ផុស សុវណ្ណ បានថ្លែងថា ប្រព័ន្ធផ្សព្វផ្សាយបែបថ្មីចាំបាច់ត្រូវតែមានការអភិវឌ្ឍ និងគ្រប់គ្រងត្រឹមត្រូវ។ក្នុងនេះដូចជាការគ្រប់គ្រងហេដ្ឋារចនាសម្ព័ន្ធប្រព័ន្ធផ្សព្វផ្សាយដូចជា៖ ឌីជីថលបែបថ្មី និងប្រព័ន្ធប្រតិបត្តិការ លើវិស័យព័ត៌មាននិងសោតទស្សន៍ (ដើម្បីសន្តិសុខព័ត៌មាន សណ្តាប់ធ្នាប់ព័ត៌មាន និងលំហព័ត៌មាន),គ្រប់គ្រង និង ធ្វើបរិវត្តកម្មឌីជីថល ផ្ទាល់ឌីជីថលរបស់អង្គភាពចំណុះក្រសួងកូដនីយកម្ម ប្រព័ន្ធប្រតិបត្តិការផ្សាយទិន្នន័យឌីជីថលរបស់ក្រសួង,គ្រប់គ្រងសេវា និងបណ្តាលតភ្ជាប់ប្រព័ន្ធផ្សព្វផ្សាយ បញ្ជូន និងរក្សាទុកទិន្នន័យលើវិស័យ ព័ត៌មាន និងសោតទស្សន៍។
ជាមួយគ្នានេះ ឯកឧត្តមអគ្គនាយកបានបញ្ជាក់បន្ថែមថា ការធ្វើឌីជីថលតូបនីយកម្ម និងឌីជីថលនីយកម្ម ការប្រើប្រាស់ បញ្ញាសិប្បនិម្មិតនិងបច្ចេកវិទ្យានវានុវត្តន៍វិស័យព័ត៌មាននិងសោតទស្សន៍ និងការកសាងមធ្យោបាយសម្រាប់ដំណើរការប្រព័ន្ធផ្សព្វផ្សាយបែបថ្មីនឹងត្រូវអនុវត្តន៍នៅថ្ងៃខាងមុខ៕

ដោយ៖ មករា