AKP ភ្នំពេញ ថ្ងៃទី២៨ ខែវិច្ឆិកា ឆ្នាំ២០២៥-- អង្គការ អុកស្វាម Oxfam សហការជាមួយ ក្រសួងការងារ និងបណ្តុះបណ្តាលវិជ្ជាជីវៈ និងអង្គការដៃគូ រួមគ្នារៀបចំវេទិកាថ្នាក់ជាតិស្តីពី គាំពារសង្គម ដើម្បីអន្តរកាលយុត្តិធម៌ និងសកម្មភាពបរិស្ថាននៅភ្នំពេញ នាថ្ងៃទី២៨ ខែវិច្ឆិកា ឆ្នាំ២០២៥។

វេទិកានេះគូសបញ្ជាក់ពីតម្រូវការជាបន្ទាន់ក្នុងការ ពង្រឹងប្រព័ន្ធគាំពារសង្គមរបស់កម្ពុជា ដើម្បីធានាបាននូវ តម្លាភាព បរិយាបន្ន យេនឌ័រ និងភាពធន់នឹងអាកាសធាតុ។ ទាំងនេះគឺជាសសរស្តម្ភសំខាន់សម្រាប់ ការអភិវឌ្ឍជាតិប្រកបដោយចីរភាពនិងសមធម៌។

សូមបញ្ជាក់ថា វេទិកានេះធ្វើឡើងបន្ទាប់ពីវេទិកាថ្នាក់តំបន់ចំនួន ៣ ដែលរៀបចំឡើងនៅខេត្តកំពង់ស្ពឺ រតនគិរី និងសៀមរាប និងបានប្រមូលផ្តុំអ្នកពាក់ព័ន្ធប្រមាណ ២៥០ នាក់ រួមមានថ្នាក់ដឹកនាំសហគមន៍ អ្នកបង្កើតគោលនយោបាយ តំណាងកម្មករ និងអ្នកជំនាញ៕

ដោយ ណយ នឿន (ប្រភព៖ Oxfam)