AKP ភ្នំពេញ ថ្ងៃទី២០ ខែតុលា ឆ្នាំ២០២៥-- ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល នៃព្រះរាជាណាចក្រកម្ពុជា និងប្រតិភូសុខាភិបាល នាថ្ងៃអាទិត្យ ទី១៩ ខែតុលា ឆ្នាំ២០២៥ បានអញ្ជើញចូលរួមក្នុងពិធីស្វាគមន៍ប្រពៃណី ប្រជាជនហ្វ៊ីជី ដែលរៀបចំដោយ រដ្ឋាភិបាលនៃសាធារណរដ្ឋហ្វ៊ីជី ដើម្បីទទួលស្វាគមន៍ប្រតិភូរដ្ឋជាសមាជិកតំបន់ប៉ាស៊ីហ្វិកខាងលិច ដែលចូលរួមក្នុងសម័យប្រជុំលើកទី៧៦ របស់អង្គការសុខភាពពិភពលោកប្រចាំតំបន់ប៉ាស៊ីហ្វិកខាងលិច (Regional Committee for the Western Pacific)  ដែលនឹងប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែតុលា ឆ្នាំ២០២៥ នៅទីក្រុងណាឌី (Nadi) នៃសាធារណរដ្ឋហ្វ៊ីជី។  

ពិធីស្វាគមន៍នេះមានឈ្មោះជាភាសាហ្វ៊ីជីថា “Veiqaraqaravi Vakavanua” ដែលជាពិធីបុរាណសំខាន់មួយក្នុងវប្បធម៌ iTaukei ដែលត្រូវបានអនុវត្តសម្រាប់ការស្វាគមន៍ភ្ញៀវជាតិ និងអន្តរជាតិ  ដើម្បីបង្កើនស្មារតីសហការ ការគោរពវប្បធម៌ក្នុងតំបន់ប៉ាស៊ីហ្វិកខាងលិច    និងជាផ្នែកមួយនៃការចាប់ផ្តើមសម័យប្រជុំប្រចាំឆ្នាំដ៏មានសារសំខាន់នេះ៕

ដោយ៖ ពេជ្រ សំអឿន (ប្រភព៖ ក្រសួងសុខាភិបាល)