AKP ភ្នំពេញ ថ្ងៃទី១៧ ខែតុលា ឆ្នាំ២០២៥-- ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ចាប់ពីថ្ងៃទី១៤-១៦ ខែតុលា ឆ្នាំ២០២៥ បានដឹកនាំក្រុមការងារមន្រ្តីបច្ចេកទេសអាជ្ញាធរទន្លេសាប ទទួលបន្ទករៀបចំកំណត់ក្របខ័ណ្ឌយុទ្ធសាស្ត្រសម្រាប់អាងបឹងទន្លេសាប បានរៀបចំកិច្ចប្រជុំពិគ្រោះយោបល់ ស្តីពីការវិភាគសន្តិសុខទឹកនៅអាងទន្លេសាបក្នុងភូមិសាស្រ្តខេត្តពោធិ៍សាត់ ខេត្តបាត់ដំបង និងខេត្តប៉ៃលិន។

ក្រុមការងារអាជ្ញាធរទន្លេសាប និងតំណាងធនាគារពិភពលោក (WB) ISEM  DFAT AWP ក៏បានចុះទស្សនកិច្ចសិក្សាផ្ទាល់ដល់ទីតាំងជាក់ស្តែងនៅតាមដងស្ទឹងពោធិ៍សាត់ ស្ទឹងសង្កែ និងទំនប់អាងទឹកកំពីងពួយ ដើម្បីប្រមូលធាត់ចូលបន្ថែមចំនួន៥៖ ទី១. ពិនិត្យការធ្លាក់ចុះនៃទឹកជំនន់ បញ្ហាទឹកក្រោមដី ទី២. តុល្យភាពទឹកនៅក្នុងអាងស្តុកទឹក ទី៣. ភាពក្រីក្រ លទ្ធភាពទទួលបានទឹកស្អាត ទី៤. ប្រើប្រាស់សំណល់ថ្នាំសម្លាប់សត្វល្អិត និងការបំពុលគីមី និងទី៥. ការបែងចែកតំបន់ដីសើម និងការភ្ជាប់ទីជម្រក។

កិច្ចប្រជុំពិគ្រោះយោបល់នេះក្រោមកិច្ចសហប្រតិបត្តិការជំនួយគាំទ្រពីធនាគារពិភពលោក (WB) ICEM DFAT AWP សហការជាមួយរដ្ឋបាលខេត្តពោធិ៍សាត់ ខេត្តបាត់ដំបង និងខេត្តប៉ៃលិន៕

ដោយ ណយ នឿន (ប្រភព៖ អាជ្ញាធរទន្លេសាប)