AKP ភ្នំពេញ ថ្ងៃទី១៦ ខែតុលា ឆ្នាំ២០២៥-- ជាផ្នែកមួយនៃកិច្ចប្រជុំកំពូលថ្នាក់ដឹកនាំស្តីពីស្រ្តី លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី បានចូលរួមជាមួយថ្នាក់ដឹកនាំអន្តរជាតិដទៃទៀត ធ្វើទស្សនកិច្ចសិក្សានៅ the World of Robots in Tongzhou District Beijing ប្រទេសចិន    នាពេលថ្មីៗនេះ។

ទស្សនកិច្ចនេះបង្ហាញសារៈសំខាន់អំពីការលើកកម្ពស់សមភាពយេនឌ័រ ក្នុងបច្ចេកវិទ្យាឌីជីថល និងនវានុវត្តន៍។ ការតាំងពិព័រណ៍នេះបានបង្ហាញពីរបៀប Robots អាចធ្វើការដោយស្វ័យប្រវត្តិ និងបញ្ញាសិប្បនិម្មិត (AI) កំពុងបំលែង និងធ្វើបរិវត្តកម្មឧស្សាហកម្ម និងបង្កើតឱកាសថ្មីៗសម្រាប់ស្រ្តី និងក្មេងស្រី ដើម្បីលើកកម្ពស់សមភាពយេនឌ័រ តាមរយៈបច្ចេកវិទ្យាឌីជីថល និងនវានុវត្តន៍ គឺចក្ខុវិស័យឆ្ពោះទៅពិភពរ៉ូបូត។

ទស្សនកិច្ចនេះលើកទឹកចិត្តយើងត្រូវបន្តជំរុញគោលនយោបាយ និងភាពជាដៃគូ សម្រាប់គាំទ្រស្រ្តី និងក្មេងស្រីនៅក្នុងពិភពបច្ចេកវិទ្យាឌីជីថល និងនវានុវត្ត ដែលនឹងបង្កើតនូវបច្ចេកវិទ្យាសម្រាប់សហគមន៍ និងស្ថាបនាអនាគតពិភពលោកមួយ ដែលសមភាពយេនឌ័រ ក្លាយជាការពិតដែលធ្វើឱ្យជីវិតយើងមានអត្ថន័យ និងរីករាយទាំងអស់គ្នា៕

ដោយ៖ ពេជ្រ សំអឿន (ប្រភព៖ ក្រសួងកិច្ចការនារី)