AKP ភ្នំពេញ ថ្ងៃទី១៥ ខែតុលា ឆ្នាំ២០២៥-- ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ នារសៀលថ្ងៃទី១៤ ខែតុលា ឆ្នាំ២០២៥ បានទទួលជួបពិភាក្សាការងារជាមួយលោក HUNTER McGee មន្រ្តីទំនាក់ទំនងទទួលបន្ទុកការងារតំបន់ នៃស្ថាប័នព័ត៌មានស៊ើបអង្កេតអូស្រ្តាលី (ACIC) ប្រចាំនៅទីក្រុងបាងកក។

កិច្ចពិភាក្សាបានផ្តោតសំខាន់លើការស្វែងយល់អំពីតួនាទី និងភារកិច្ចរបស់ស្ថាប័នព័ត៌មានស៊ើបអង្កេតអូស្រ្តាលី ព្រមទាំងការពិភាក្សាអំពីលទ្ធភាពក្នុងការធ្វើកិច្ចសហប្រតិបត្តិការលើការងារជំនាញរវាងអគ្គនាយកដ្ឋានអន្តោប្រវេសន៍ និងស្ថាប័នព័ត៌មានស៊ើបអង្កេតអូស្រ្តាលី ដើម្បីប្រយុទ្ធប្រឆាំងបទល្មើសឧក្រិដ្ឋកម្មឆ្លងដែនមានដូចជា អំពើជួញដូរមនុស្ស ការរត់ពន្ធមនុស្ស បទល្មើសបច្ចេកវិទ្យា ការសម្អាតប្រាក់ ការជួញដូរគ្រឿងញៀន និងបទល្មើសពាក់ព័ន្ធផ្សេងៗទៀត៕

ដោយ៖ ចាន់ សុភឿន (ប្រភព៖ អគ្គនាយកដ្ឋានអន្តោប្រវេសន៍)