AKP ភ្នំពេញ ថ្ងៃទី២៨ ខែកញ្ញា ឆ្នាំ២០២៥-- ក្រសួងទេសចរណ៍កម្ពុជា និងក្រសួងរៀបចំដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន បានប្តេជ្ញាក្នុងការពង្រឹងកិច្ចសហប្រតិបត្តិការលើវិស័យទេសចរណ៍ ដើម្បីបង្កើនចំនួនភ្ញៀវទេសចរ និងអ្នកធ្វើដំណើរទៅមករវាងប្រទេសទំាងពីរ។

សូមជម្រាបជូនថា ក្នុងឱកាសនៃការដឹកនាំគណៈប្រតិភូជាន់ខ្ពស់ក្រសួងទេសចរណ៍ និងវិស័យឯកជនកម្ពុជា ចូលរួមពិព័រណ៍ទេសចរណ៍អន្តរជាតិជប៉ុន (Tourism EXPO Japan) និងកិច្ចប្រជុំតុមូលថ្នាក់រដ្ឋមន្រ្តីទេសចរណ៍លើកទី៨ នៅទីក្រុងណាហ្គូយ៉ា ប្រទេសជប៉ុន ដែលទើបបានបញ្ចប់ទៅកាលពីពេលថ្មីៗនេះ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍កម្ពុជា បានជួបពិភាក្សាការងារថ្នាក់ខ្ពស់ជាមួយឯកឧត្តម Akira Yoshii អនុរដ្ឋមន្រ្តីក្រសួងរៀបចំដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុនលើការពង្រឹង និងពង្រីកកិច្ចសហប្រតិបត្តិការក្នុងវិស័យទេសចរណ៍រវាងកម្ពុជា និងជប៉ុន ដើម្បីបង្កើនចំនួនទេសចរ និងអ្នកធ្វើដំណើរនៃប្រទេសទាំងពីរឱ្យបានកាន់តែច្រើនឡើងបន្ថែមទៀត ហើយជាលទ្ធផលភាគីទាំងពីរបានឈានដល់ការឯកភាពគ្នាលើកិច្ចការនេះ៕

ដោយ៖ ចាន់ សុភឿន (ប្រភព៖ ក្រសួងទេសចរណ៍)