AKP ភ្នំពេញថ្ងៃទី២៥ ខែកញ្ញា ឆ្នាំ ២០២៥ -- សហព័ន្ធស្រូវអង្ករកម្ពុជា នឹងដឹកនាំសមាជិកចំនួន ១៣ ក្រុមហ៊ុន ចូលរួមពិព័រណ៍អាហារអន្តរជាតិ ANUGA 2025 - International Foods Industry Trade Fair នៅប្រទេសអាឡឺម៉ង់។

យោងតាមសេចក្តីប្រកាសព័ត៌មានរបស់សហព័ន្ធស្រូវអង្ករកម្ពុជា បានអោយដឹងថា សហព័ន្ធស្រូវអង្ករកម្ពុជា ក្រោមកិច្ចយកចិត្តទុកដាក់របស់រាជរដ្ឋាភិបាលកម្ពុជា ក្នុងការជម្រុញការនាំចេញអង្ករកម្ពុជា តាមរយៈថវិកាបដិភាគរបស់សហគ្រិន ខ្មែរ (Khmer Enterprise) នៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តនី និងធនាគារអភិវឌ្ឍន៍ ជនបទ និងកសិកម្ម សហព័ន្ធស្រូវអង្ករកម្ពុជា នឹងដឹកនាំក្រុមហ៊ុននាំចេញអង្ករ ចំនួន ១៣ ក្រុមហ៊ុន ដើម្បីចូលរួមតាំង បង្ហាញនូវផលិតអង្ករ ដែលមានគុណភាពបំផុតរបស់កម្ពុជា នឹង ធ្លាប់បានឈ្នះពានរង្វាន់អង្ករល្អបំផុត របស់ពិភពលោក ទៅក្នុងព្រឹត្តិការណ៍ម្ហូបអាហារអន្តរជាតិដ៏ធំជាង គេលើពិភពលោក ដែលមានឈ្មោះថា ANUGA 2025 - International Foods Industry Trade Fair នៅទីក្រុងកូឡូញ ប្រទេសអាឡឺម៉ង់ ដែលកម្មវិធីនេះនឹងប្រពព្រឹត្តទៅ ចាប់ពីថ្ងៃទី០៤ ដល់ថ្ងៃទី០៨ ខែតុលា ឆ្នាំ២០២៥។ 

ការចូលរួមពិព័រណ៍អាហារ អន្តរជាតិ ANUGA 2025 នេះ គឺជាការចូលរួមលើកទី ២ របស់ សហព័ន្ធស្រូវអង្ករកម្ពុជានៅក្នុង បន្ទាប់ពី ការចូល លើកទី ១ នៅក្នុងឆ្នាំ២០២៣។ សម្រាប់ការចូលរួមលើកនេះ សហព័ន្ធ ព័ន្ធស្រូវអង្ករកម្ពុជា បានរៀបចំ នូវ ពន្លាជាតិរួមមួយយ៉ាងស្រស់ស្អាត ក្នុងទំហំចំនួន ៩៦ ម៉ែត្រការ។

គោលបំណងនៃការចូលរួមនៅក្នុងព្រឹត្តិការណ៍តាំងពិរព័ណ៌នេះ គឺដើម្បីធ្វើពិពិធកម្មទីផ្សារ ដែលស្រប ទៅតាមគោលនបោយបាយរបស់ររាជរដ្ឋាភិបាល ដែលមានក្រសួងពាណិជ្ជកម្ម ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ លើស្តង់ដារ និងលក្ខខណ្ឌសុវត្ថិភាពចំណីអាហារ និងក្រសួងកសិកម្ម រុក្ខាប្រមាញ់ និង នេសាទ ជាសេនាធិការក្នុងជំរុញផលិតផល់ចូលទីផ្សារ និងការដាំដុះតម្រូវតាមទីផ្សារ។ គូសបញ្ជាក់ផង ដែរថា ព្រឹត្តិការណ៍ ANUGA 2025 ត្រូវបានបង្កើតដំបូងឡើងតាំងពីឆ្នាំ ១៩១៩ ហើយមានការវិវត្តរីកចម្រើន និងក្លាយខ្លួនជាវេទិកាប្រមូលផ្តុំដ៏សំខាន់ មួយស ម្រាប់ពិភពលោករបស់អ្នកជំនាញ និងអ្នកធ្វើការសម្រេចចិត្តលើ ការរៀបចំ គោលនយោបាយផ្នែកចំណីអាហារ និងភេសជ្ជៈ។

ក្រុមហ៊ុននាំចេញទាំង ១៣ ដែលបានចូលរួមតាំងបង្ហាញផលិតផលនៅក្នុង ព្រឹត្តិការណ៍ម្ហូបអាហារ ANUGA 2025” ស្ថិតក្រោមពន្លាសហព័ន្ធស្រូវអង្ករកម្ពុជា រួមមាន៖
១ ក្រុមហ៊ុន ហ្គោលដេន រ៉ាយស៍ (ខេមបូឌា)
២ ក្រុមហ៊ុន ឥណ្ឌូឆាយណា រ៉ាយស៍ មើល លីមីធីត
៣ ក្រុមហ៊ុន ហ្គោលដេន ស្តារ រ៉ាយសី មើល អេន អ៊ីមផត អិចផត
៤ ក្រុមហ៊ុន អេមីរ រ៉ាយស៍ (ខេមបូឌា)
៥ ក្រុមហ៊ុន កំពង់ធំ រ៉ាយស៍ មើល លីមីធីត
៦ ក្រុមហ៊ុន ស៊ីធី រ៉ាយស៍ អ៊ីមផត អិចផត ខូអិលធីឌី
៧ ក្រុមហ៊ុន ដេលី ហរវេស ហ្វីដ (ខេមបូឌា) ឯ.ក
៨ ក្រុមហ៊ុន ឡ អៀកហេង សេកមាស រ៉ាយសី
៩ ក្រុមហ៊ុន សឹកនេតឈរ រ៉ាយស៍ ឯ.ក
១០ ក្រុមហ៊ុន ហ្គោលដិន ដូនកែវ រ៉ាយស៍ មើល
១១ ក្រុមហ៊ុន ហ្វេតរ៉ាយស៍ បាត់ដំបង អិលធីឌី
១២ ក្រុមហ៊ុន អៀង ហ៊ាង អ៊ីមផត អិចផត ខូ អិលធីឌី
១៣ ក្រុមហ៊ុន ព្រឹម្លិះ ខបភើរេសិន 

សូមបញ្ជាក់ផងដែរថា ព្រឹត្តិការណ៍ ANUGA International Foods Industry Trade Fair ត្រូវបានបង្កើតដំបូងឡើងតាំងពីឆ្នាំ ១៩១៩ ហើយមានព្រឹត្តិការណ៍នេះក៏មានការវិវត្តរីកចម្រើនជាច្រើន និងក្លាយខ្លួនជាវេទិកាប្រមូលផ្ដុំមួយដ៏សំខាន់សម្រាប់ពិភពរបស់អ្នកជំនាញនិងអ្នកធ្វើការសម្រេចចិត្តលើការរៀបចំគោលនយោបាយផ្នែកចំណីអាហារ និងភេសជ្ជៈ៕

ដោយ៖ ចរិយា ប្រភព៖ សហព័ន្ធស្រូវអង្ករកម្ពុជា