AKP ភ្នំពេញ ថ្ងៃទី១២ ខែសីហា ឆ្នាំ២០២៥-- ឯកឧត្តម ញ៉ឹក វណ្ណារ៉ា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី១២ ខែសីហា ឆ្នាំ២០២៥ បានអញ្ជើញចូលរួមជាអធិបតីបើកវគ្គបណ្តុះបណ្តាលស្តីពីទម្រង់របាយការណ៍ និងឧបករណ៍ប្រមូលទិន្ន័យស្តីពីការផ្តល់ការគាំពារដល់ជនរងគ្រោះដោយអំពើជួញដូរមនុស្ស និងអាជីវកម្មផ្លូវភេទ។

ឯកឧត្តមរដ្ឋលេខាធិការបានលើកឡើងថា គោលបំណងនៃការបណ្តុះបណ្តាល គឺ៖ ទី១. បញ្ជ្រាបការយល់ដឹងពីគោលបំណងនិងសារៈសំខាន់នៃទម្រង់របាយការណ៍ និងឧបករណ៍ប្រមូលទិន្នន័យ និងការបំពេញទិន្នន័យ ក្នុងវគ្គបណ្តុះបណ្តាល មាន៤សំខាន់។ ទី២. ស្វែងយល់ពីតួនាទី និងទំនួលខុសត្រូវរបស់ក្រុមអ្នកប្រើប្រាស់នីមួយៗ។ ទី៣. ស្វែងយល់ពីកាលបរិច្ឆេទ និងភាពញឹកញាប់នៃការដាក់ជូនទិន្នន័យ និងទី៤. ទទួលបានបទពិសោធន៍ផ្ទាល់ដោយប្រើប្រាស់ KoboToolBox សម្រាប់បញ្ចូលទិន្នន័យ។

សូមជម្រាបជូនថា កម្មវិធីវគ្គបណ្តុះបណ្តាលស្តីពីទម្រង់របាយការណ៍ និងឧបករណ៍ប្រមូលទិន្ន័យស្តីពីការផ្តល់ការគាំពារដល់ជនរងគ្រោះដោយអំពើជួញដូរមនុស្ស និងអាជីវកម្មផ្លូវភេទនេះ រៀបចំដោយមានការគាំទ្រពីគម្រោងអភិវឌ្ឍន៍សមត្ថភាពដើម្បីជួយជនរងគ្រោះដែលរួចពីការជួញដូរមនុស្ស TRUST តាមរយៈ JICA៕

ដោយ ណយ នឿន (ប្រភព៖ ក្រសួងសង្គមកិច្ច)