AKP ‎កំពង់ចាម ថ្ងៃទី១២ ខែសីហា ឆ្នាំ២០២៥-- ឯកឧត្តម អ៊ុន  ចាន់ដា អភិបាលនៃគណៈអភិបាលខេត្តកំពង់ចាម នៅថ្ងៃទី១២ ខែសីហា ឆ្នាំ ២០២៥ បានដឹកនាំក្រុមការងារមន្ត្រីពាក់ព័ន្ធ  ចុះពិនិត្យសំណង់ទំនប់ទ្វារស្ទាក់ទឹកព្រែកតាយី ស្ថិតនៅក្នុងពាមក្នុង ឃុំពាមកោះស្នា ស្រុកស្ទឹងត្រង់ ដែលបានសាងសង់រួចរាល់ជាស្ថាពរហើយ។

បើតាមការបញ្ជាក់របស់ លោក អ៊ុម វិបុល ប្រធានមន្ទីរធនធានទឹក និងឧតុនិយម ខេត្តកំពង់ចាម បានឲ្យដឹងថា សំណង់ទំនប់ស្ទាក់ទឹកព្រែកតាយីនេះ អាច មានលទ្ធភាពស្ទាក់ទឹកស្តុកទុក បានប្រមាណជា៥០ម៉ឺនម៉ែត្រគូប អាចធានាបានដល់ការស្រោចស្រពស្រូវ រដូវប្រាំងបាន ៤២២ហិកតា និងដំណាំរួមផ្សំប្រមាណ ១២ហិកតា ក្នុងភូមិចំនួន៤ មាន ភូមិពាមក្នុង ភូមីដីលើ ភូមិពាមក្រៅ និងភូមិទួលរកា ដែលប្រជាកសិករ ប្រមាណជាង១៦០០គ្រួសារ ទទួលបានអត្ថប្រយោជន៍នៃសំណង់ទំនប់ស្ទាកទឹក ព្រែកតាយីនេះ៕

ដោយ ឆាយ ម៉ុត