AKP ភ្នំពេញ ថ្ងៃទី០៤ ខែកក្កដា ឆ្នាំ២០២៥ -- កងទ័ពជើងទឹកស្រីលង្កាបាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា ឆ្មាំឆ្នេរសមុទ្រស្រីលង្កា កងទ័ពជើងទឹក និងប៉ូលីសបានរឹបអូសបានថ្នាំញៀនជាង ៩០០គីឡូក្រាមនៅឯតំបន់ Wennappuwa ភាគពាយព្យនៃប្រទេសស្រីលង្កា។

កងទ័ពជើងទឹកបាននិយាយថា មន្រ្តីក៏បានរឹបអូសរថយន្ត ម៉ូតូ កាំភ្លើងខ្លីផលិតពីបរទេស ទស្សនាវដ្តី និងគ្រាប់រំសេវចំនួន ៤០គ្រាប់ផងដែរ ដោយកងទ័ពជើងទឹកបានបន្ថែមថា ពួកគេបានចាប់ខ្លួនជនសង្ស័យចំនួន ២នាក់។

កងទ័ពជើងទឹកបាននិយាយថា តម្លៃថ្នាំញៀនតាមដងផ្លូវត្រូវបានប៉ាន់ប្រមាណថាមានជាង ២០២លានរូពី (ប្រហែល ៦៧០.០០០ដុល្លារអាម៉េរិក)។ កងទ័ពជើងទឹកបាននិយាយថា ជនសង្ស័យមានអាយុចន្លោះពី ៤៤ ទៅ ៥១ឆ្នាំ៕

ដោយ៖ មូល មិនា (ប្រភព៖ ស៊ីនហួ)