AKP ភ្នំពេញ ថ្ងៃទី០២ ខែកក្កដា ឆ្នាំ២០២៥ -- អ្នកនាំពាក្យក្រសួងការបរទេសចិនបាននិយាយកាលពីថ្ងៃអង្គារថា ក្នុងនាមប្រទេសជិតខាងជាមិត្ត ប្រទេសចិនសង្ឃឹមថា ប្រទេសថៃនឹងរក្សាស្ថិរភាព និងការអភិវឌ្ឍ។

អ្នកនាំពាក្យ លោកស្រី ម៉ៅ នីង (Mao Ning) បានធ្វើការកត់សម្គាល់នៅក្នុងសន្និសីទសារព័ត៌មាន ដើម្បីឆ្លើយតបទៅនឹងសំណួរទាក់ទងនឹងតុលាការធម្មនុញ្ញរបស់ប្រទេសថៃដែលព្យួរតួនាទីនាយករដ្ឋមន្ត្រី លោកស្រី ផែថុងថាន ស៊ីណាវ៉ាត់ (Paetongtarn Shinawatra) កាលពីថ្ងៃអង្គារ។

លោកស្រី ម៉ៅ បាន​មាន​ប្រសាសន៍​ថា «នេះ​គឺជា​កិច្ចការ​ផ្ទៃ​ក្នុង​របស់​ប្រទេស​ថៃ។ ខ្ញុំ​នឹង​មិន​ធ្វើ​អត្ថាធិប្បាយ​លើ​វានោះ​ទេ។ ក្នុង​នាម​ជា​ប្រទេស​ជិត​ខាង​ជា​មិត្ត ប្រទេសចិន​សង្ឃឹម​ថា​ ប្រទេសថៃ​នឹង​រក្សា​ស្ថិរភាព និង​ការ​អភិវឌ្ឍ»៕

ដោយ៖ មូល មិនា (ប្រភព៖ ភីបផលដេលី)